ناوەندی هەواڵ

 

هاوکارییەکانی کە لە شاری سلێمانی بۆ زیانلێکەوتووانی بوومەلەرزەکە کۆکرابوویەوە پاش ٥ ڕۆژ لە ڕاگرتنیان گەیشتە شەهبا لە ڕۆژئاوای کوردستان.

 

ئەو هاوکارییانەی کە لەلایەن خەڵکی شاری سلێمانییەوە بۆ زیانلێکەوتووانی بوومەلەرزەکە کۆکرابوویەوە لە بازگەکانی حکومەتی سووریا ڕاگیرابوو، پاش ٥ ڕۆژ لە ڕاگرتنیان گەیشتە کانتۆنی گەمارۆدراوی شەهبا لە ڕۆژئاوای کوردستان.

 

هاوکارییەکان کە لەلایەن خەڵکی شاری سلێمانییەوە کۆکرابوویەوە پێکهاتبوو لە شیری منداڵ و پێداویستی پزیشکی و کەلوپەلی جیاوازی دیکە.

 

مانگی سووری کورد بە هاوکاری بۆردی کاروباری کۆمەڵایەتیی کانتۆنی شەهبا یارمەتییەکانی وەرگرتووە و بەسەر کۆچبەرانی زیانلێکەوتووی بوومەلەرزەکەدا دابەشی دەکات.