ناوەندی هەواڵ

 

پڕۆسەی دەنگدان کە بەرەبەیانی ئەمڕۆ دەستیپێکرد بۆ هەڵبژاردنە ناوخۆییەکان، کە تێیدا ملیۆنان کەس چوونەتە سندوقەکانی دەنگدان، کۆتایی هات.

 

دوای کۆتاییهاتنی هەڵبژاردنە ناوخۆییەکان، بڕیارە سەرۆکی شارەوانی پایتەخت و سەرۆکی شارەوانی پارێزگا و سەرۆکی شارەوانی و سەرۆکی هەرێم و ئەندامانی ئەنجوومەنی شارەوانی و ئەنجومەنی ناودارەکان دیاری بکرێن.

 

لەو هەڵبژاردنەدا ٣٤ لایەنی سیاسی بەشدارییان کردووە، ژمارەی دەنگدەرانی ناو لیستەکەش گەیشتووەتە ٦١ ملیۆن و ٤٤١ هەزار و ٨٨٢ دەنگدەر.

 

نزیکەی لە هەموو شارەکانی باکوری کوردستان پشێوی ڕوویدا، هەزاران سەرباز و ئەفسەری پۆلیس بینران کە ڕوویان لە خوێندنگەکان کرد و بەکۆمەڵ دەنگیان دەدا، سەرەڕای هەموو ئەو پشێویە، سەرۆکی ئەنجومەنی باڵای هەڵبژاردنەکان لە ڕاگەیەندراوەکەیدا دووپاتیکردەوە کە پرۆسەی دەنگدان بە ئاسانی بەڕێوەچوو.

 

لە شارە گەورەکاندا کاغەزی دەنگدان بۆ هەڵبژاردنی سەرۆکی شارەوانی پایتەخت و سەرۆکی شارەوانی و ئەندامی ئەنجومەنی شارەوانی و سەرۆکی ئەنجومەن بە ڕێککەوت ئەژمار دەکرێت و لە پارێزگاکانی دیکەش کاغەزی دەنگدان بۆ هەڵبژاردنی سەرۆکی شارەوانی، ئەندامێتی ئەنجومەنی شارەوانی، پارێزگاکان ئەژمار دەکرێت ئەندامێتی ئەنجومەن، و هەڵبژاردنی سەرۆک شارەوانی.

 

بەگوێرەی بڕیارەکەی ئەنجومەنی باڵای هەڵبژاردنەکان، پێش وادەی دیاریکراو هیچ هەواڵ و پێشبینی و تێبینییەک لەسەر هەڵبژاردن و ئەنجامەکانیان لەلایەن هیچ دەزگایەکی ڕاگەیاندن بڵاوناکرێتەوە و تەنها ئەو هەواڵ و لێدوانانە بڵاودەکرێتەوە کە ئەنجومەنی باڵای هەڵبژاردنەکان دەیخاتەڕوو سەبارەت بە هەڵبژاردنەکان دەتوانرێت لە ڕادیۆ و هەموو دەزگاکانی ڕاگەیاندن پەخش بکرێت.