ناوەندی هەواڵ

 

دوای ئەوەی شەڕو ئاڵۆزی لە ٧ی تشرینی یەکەمەوە بەردەوامی هەبوو، ڕۆژی هەینی ٢٤ی تشرینی دووەم بەپێی ئەو لێكتێگەیشتنەی كە بە نێوەندگیری قەتەرو میسر لە نێوان ئیسرائیل و حەماس ئەنجامدرا، بۆ ماوەی چوار رۆژ ئاگربەست ڕاگەیەندراو لەم ماوەیەدا ١٥٠ بارمتەی فەڵەستینی و ٥٠ بارمتەی ئیسرائیلی ئازاد دەكرێن.

 

ئاژانسی هەواڵی فەرمی فەڵەستین  بڵاویكردەوە، ئەو بەدیلگیراوە فەڵەستینیانەی كە لە دووەم ڕۆژی جێبەجێكردنی لێكتێگەیشتنی ئاڵوگۆڕی بارمتەکاندا، لە گرتوخانەی ئۆفەر ئازادكراون بە پاس و ئۆتومبێلەكانی سەربە كۆمیتەی نێودەوڵەتی خاچی سور گواستراونەتەوە بۆ شارۆچكەی بیرە لە كەناری ڕۆژئاوا.

 

ئەوەشخراوەتەڕووم ٦ لەو بە بارمتەگیراوە فەڵەستینیانەی كە ئازاد كراون ژنن، هاوكات سەدان فەڵەستینی بە بەرزكردنەوەی ئاڵای فەڵەستین پێشوازییان لە دیلەکان کرد.