ناوەندی هەواڵ

 

شانەی ئەمنی عێراق لە ڕاگەیەندراوێکی فەرمیدا دەستگیرکردنی باندێکی ٢٧ کەسی ڕاگەیاند کە تاوانبارن بە هەراسانکردنی ئەلکترۆنی سەر ژنانی گەنج.

 

لە ڕاگەیەندراوەکەدا هاتووە: شانەکانی ئەمنی نیشتمانی لەسەر بنەمای سکاڵای هاوڵاتیان و وەرگرتنی ڕەزامەندی دادوەری توانیان لەم مانگەدا ٢٧ تۆمەتبار بە هێرش و هەراسانکردنی ئەلکترۆنی لە هەر پێنج پارێزگای بەغداد، ئەنبار، کەرکوک، بەسرە و زیقار دەستگیربکەن.

 

بە پێی ڕاگەیەندراوەکە، تۆمەتبارەکان دانیان بە تاوانەکەیاندا ناوە، بەپێی دانپێدانانەکان هەراسان و هەڕەشەیان لە  ژنانی گەنج کردووە و لە بەرامبەر وەرگرتنی بڕێک پارەدا کە وێنەکانیان بڵاونەکرێتەوە ڕێککەوتوون.

 

لە دوای دەستگیرکردنی باندە ٢٧ کەسییەکە ڕێکاری یاسایی گیراوەتە بەر.

 

ت.پ