ناوەندی هەواڵ

 

پەیامی پشتیوانی بۆ یەپەژە بەردەوامە لە ڕژانی ڕێکخراوەکانی کۆمەڵگەی مەدەنی و کەسایەتییەکانی مافی مرۆڤ، لە کاتێکدا، بانگەوازەکان پەرەدەستێنن بۆ داننان بە ڕۆڵی ژنان لە پاراستنی کۆمەڵگە ناوخۆییەکان و بەهێزکردنی بوونییان لە ناوچە جێناکۆکەکان.

 

ئاناهید قەسەبیان، ڕێکخەری یەکێتی ژنانی ئەرمەنستان، پەیامێکی هاودەنگی بۆ یەپەژە بڵاوکردەوە و ڕایگەیاند: لە خاکێکدا، کە بە ئازار ڕاهاتووە، چیرۆکەکان تەنها گێڕانەوەی زوو تێپەڕ نین، بەڵکو یادەوەری زیندوون کە لەناو خەڵکدا هەن، لەوێ کە زیانەکان دووهێندە دەبن و ڕووخساری ماندوو دەچنە یەک، ڕزگاربووەکان بە تەنها شایەتحاڵی نەوتراوەکان دەمێننەوە، کە نابێت لەبیربکرێن، چونکە ئەو ڕەنگەی دەینووسن ڕەنگی ئاسایی نییە، بەڵکو شوێنەواری مانەوەیە کە لەگەڵ لەدەستدان تێکەڵ بووە.

 

ئاماژەی بەوەکرد، مانەوە کۆتایی چیرۆکەکە نییە، بەڵکو سەرەتایەکەیەتی، ئەوانەی لە شەڕ ڕزگاریان دەبێت، بەڕاستی لێی ڕزگاریان نابێت، وەک سێبەرێکی درێژ لەناو خۆیاندا هەڵیدەگرن، لە وردەکارییەکانی دەنگەکانیاندا، لە نائارامی بێدەنگییەکانیاندا و لەو نیگایەدا کە جگە لە ئارامیی هیچی تر نییە، لەگەڵ ئەوەشدا دەنووسن بۆ ئەوەی یادەوەری نەبێتە گۆڕی دووەم، بۆ ئەوەی ئازار بێ واتا نەمێنێتەوە.

 

وتی: لەناو ئەم دیمەنەدا، ئەزموونی ژنان سەریان هەڵداوە کە هەوڵی ڕزگاربوونیان لە گێڕانەوەی زیانبەرکەوتووان داوە، لەوانە یەپەژە کە تەنها پێکهاتەیەکی سەربازی نین، بەڵکو دەربڕینێکن بۆ گۆڕانکارییەکی قووڵ لە هۆشیاری و ڕۆڵی ژناندا، کە لە چوارچێوەی سەختی شەڕدا دروستکرا، ژنان خۆیان بینیەوە لە بەرامبەر هەڵبژاردنێکدا لە نێوان شکست و بەرخۆداندا بەرگریکردن لە کۆمەڵگە و خۆیان لە یەک کاتدا.

 

ئەوەشیخستەڕوو کە بوونی ئەوان تەنها سەربازی نەبوو، بەڵکو هەڵگری ڕەهەندێکی سیبولی و کۆمەڵایەتی بوو، وێنەی ژنانی لە ژینگەیەکدا پێناسە دەکردەوە کە لە مێژە سنوورداریان کردبوو، ئەم گۆڕانکارییە لە بۆشایییەکدا سەریهەڵنەداوە، بەڵکو لە کۆبوونەوەی ئەزموونەکانی ستەم و پێویستیی هەبوونی دەنگ و قسەکردنەوە سەریهەڵداوە، بۆیە پشتگوێخستنی ئەم ڕۆڵە تەنها نکۆڵی زیانبەرکەوتووان نییە، بەڵکو بێبایەخکردنی بەشێکە لەو گۆڕانکارییەی کە کۆمەڵگە خۆی بەسەریدا هاتووە.

 

وتیشی: لێرەوە دەبێتە پێویستیەک کە حکومەتی سووریا بە شێوەیەکی ڕاستیانە و بەرپرسیارانە بیبینێت و ئەم ئەزموونانە بکات و دان بە ڕۆڵی ژناندا بنێت لە پرۆسەی پاراستن و لە کۆمەڵگەدا وەک بەشێکی دانەبڕاو لە ڕاستی سووریا کە ناتوانرێت بسڕدرێتەوە، ئەم دانپێدانانە ئەوەندەی واتای وەرگرتنی سیاسی نییە، ئەوەندەی ئاماژەیە بۆ خوێندنەوەیەکی پێگەیشتوو بۆ ڕاستی، ڕێگە خۆش دەکات بۆ گفتوگۆیەکی فراوانتر کە بەشداریی هەمووان لە داڕشتنی داهاتوودا مسۆگەر بکات، ڕەنگی ڕزگاربووان وشک نابێتەوە چونکە بۆ ڕازاندنەوە نەنووسراوە بەڵکو بۆ بەرگەگرتن، ماوەتەوە وەک شایەتحاڵی سەردەمێک کە هەوڵی سڕینەوەی هەموو شتێک شکستی هێنا و لە نێوان دێڕەکانی ئەم ڕەنگەدا چیرۆک هەیە کە هێشتا تەواو نەبووە، بەڵام ڕەتیدەکەنەوە بسڕدرێتەوە و پێداگری لەسەر ئەوە دەکەن کە بگێڕدرێنەوە.