ڕۆنیدا حاجی

 

حەسەکە-لە ٢١ی ئادار ٦١٢ ساڵی پێش زایین، کاوەی ئاسنگەر سەری بەرز کردەوە بەرامبەر زوحاکی دڕندە، کە خوێنی گەنجانی دەڕژاند، توانی کۆتایی پێبهێنێت و بەم شێوەیە، دیکتاتۆری زوحاک کۆتایی هات، کاوەی ئاسنگەر ئاگری لە لوتکەی چیا کردەوە بۆ نیشاندانی ئازادی و سەرکەوتن ناوی ئەو ڕۆژە دەبێتە نەورۆز و ڕۆژی ئازادی و ڕزگاری، لەبەر ئەوە هەموو ئێوارەیەکی نەورۆز، کوردەکان لە هەموو شوێنێک ئاگری کاوەی ئاسنگەر نوێ دەکەن و پەیامێک دەنێرن کە ئاگری ڕزگاری هەمیشە زیندوو دەبێت لە دژی ستەم، چونکە بۆ گەلی کورد، نەورۆز بە مانای ڕۆژێکی نوێیە، ڕۆژی نەورۆز ٢١ی ئادارە، لە نەورۆز، شەو و ڕۆژ یەکدەگرن و زستانی سارد کۆتایی دێت.

 

حەدیا محەمەدی ٥١  ساڵ، باسی ئاهەنگی نەورۆزی کردو وتی: نەورۆز ڕۆژێکی مێژووییە بۆ ئێمەی کورد، ڕۆژی سەرکەوتن و ڕزگارییە، لە منداڵییەوە تا ئەم تەمەنە، هەموو ساڵێک ئاهەنگی نەورۆز دەگێڕین، دەمانەوێت لەم ڕۆژەدا بڵێین کە ئێمە مێژوو و کولتوور و ناسنامەمان هەیە، بە ئاگرکردنەوە لە نەورۆزدا، دەڵێین هەرچی دڕندەیی و سەرکوتکردنێک هەبێت، بەم ئاگرە لێی ڕزگار دەبین.

 

"هەموو ساڵێک ئاگری نەورۆز نوێ دەکەینەوە"

حەدیا محەمەد ئاماژەی بە ئاهەنگگێڕانی نەورۆز کرد لە سەردەمی ڕژێمی بەعسدا و پشتڕاستی کردەوە کە تا ئەمڕۆش هێرش لە دژی ئاگری نەورۆز هەبووە و وتی: لە سەردەمی ڕژێمی بەعسدا، گەلی کورد بە نهێنی ئاهەنگی نەورۆزیان دەگێڕا، ڕژێم فشار و هێرشی زۆری خستە سەرمان، گەنجەکانمان دەستگیردەکران و لێیان دەدرا، لێیان دەدرا، ئاڵاکانیان لەدەستمان لادەبردو ئاژاوەیان دەخستە ناو کوردو عەرەب بۆ ئەوەی نەورۆز لەناوببەن، ئەوەی لەلایەن ڕژێمی بەعسەوە کرا بۆ ئەوەی نەورۆز پیرۆز نەکرێت بەڵام گەلی کورد ئەوەندە ئەشکەنجەدران و ستەمیان لێکرا و چەوسێنرانەوە کە لەگەڵ بارەگا سەربازییەکانی ڕژێمی سووریا ئاهەنگی نەورۆزیان گێڕا و ئەو ترسەی کە ڕژێم دەیویست لە دڵماندا دروستی بکات نەیتوانی ئیرادەو خۆشەویستی ئەم ڕۆژە کەم بکاتەوە، هەموو ساڵێک بەلەبەرکردنی جلی فۆلکلۆری ئاگری نەورۆز نوێ دەکەینەوە.

 

"بە ئاگری نەورۆز، ژیانمان ڕووناک دەکەینەوە"

حەدیا محەمەد ڕایگەیاند، ئاهەنگی نەورۆز بە ئاشکرا و ئاسوودەیی یەکێکە لە دەستکەوتە پیرۆزەکانی شۆڕشی ڕۆژئاوا وتیشی: دوای شۆڕشی ڕۆژئاوا، گەلی کورد بە شێوەیەکی ئاسوودە و کراوە ئاهەنگ دەگێڕن، لە سەردەمی ڕژێمی بەعسدا فشار و هێرش هەبوو، بەڵام هەستێکی جیاوازی هەبوو و سوور بووین لەسەر ئاهەنگ گێڕان بۆ نەورۆز، ئێستاش ئەو خۆشیەمان هەیە کە ئەمڕۆ ئاگری نەورۆز بە ئازادی و بە یەکسانیی گەلان دەکەینەوە، جێی خۆشحاڵییە کە نەک تەنها گەلی کورد بەشداری لە ئاهەنگی نەورۆزدا دەکات، بەڵکو هەموو نەتەوەکان شوێنی خۆیان دەگرن و پێکەوە لەدژی چەوسانەوە ئاگر دەکەنەوە، ئەمە پەیامێکە بۆ هەموو هێزە دەسەڵاتدارەکان کە هیچ کەس ناتوانێت ڕۆژەکەمان تاریک بکات و ئێمە بەم ئاگرە ڕووناکی دەدەین بە هەموو جیهان.

 

"کەس ناتوانێت ئاگری نەورۆز ڕابگرێت"

حەدیا محەمەد یادی شەهیدانی تەقینەوەکەی شەوی نەورۆزی ساڵی ٢٠١٥ ی کردەوەو وتی: دوای ئەوەی بە ئاسوودەیی ئاهەنگی نەورۆزمان گێڕا، دوژمن شەوێک لە گەڕەکی موفتی حەسەکە گەلی کورد ئاهەنگیان بۆ نەورۆز دەگێڕا کاتێک ئاگرەکە کرایەوە تەقییەوە، لە ئەنجامدا ٥٣ کەس شەهید بوون، ژن، منداڵ، گەنج و پیر، بەو تەقینەوەیە ویستیان ترس لە دڵی خەڵکدا دروست بکەن بۆ ئەوەی جارێکی دیکە نەورۆز پیرۆز نەکەن، بەڵام ئامانجیان بەدی نەهات، کەسوکاری شەهیدانی ئەو شەوە هەموو ساڵیک بەدەستی خۆیان ئاگر دەکەنەوەو نەورۆز پیرۆز دەکەن، لە هەمان کاتدا، دەوڵەتی داگیرکەری تورکیا لە ١٨ی ئاداری ٢٠١٩دا عەفرینی داگیرکرد و خەڵکەکەی ناچارکران کۆچ بکەن، عەفرین بە مەبەست خرایە ناو مانگێکی مێژووییەوە و پیلانێک لە دژی گەلی کورد ئەنجامدرا و عەفرین داگیرکرا، بەڵام با باش بزانن کە خەڵکی عەفرینیش لەژێر چادرەکاندا بە بەرخۆدان و سووربوون نەورۆز پیرۆز دەکەن و ئاگر دەکەنەوە.