رەفیف ئیسلیم

 

غەززە-بە دروشمی "نا بۆ برسێتی، نا بۆ بێدەنگکردن، نا بۆ خیانەت، نا بۆ گرانیی و چەوساندنەوە"، ناوەندی ڕۆژنامەنووسانی فەڵەستینی لە کەرتی غەززە، ڕۆژی ١٩ی تەمووز، هەڵوێستێکی ڕێکخست بۆ شەرمەزار کردنی ئەو برسێتییە، چ لە دژی ڕۆژنامەنووسان و چ لە دژی گەلی فەڵەستین کە بەردەوامی هەیە.

 

ڕووماڵکردنی ڕووداوەکان لەکاتی برسێتیدا

دوعا موسلح، ڕۆژنامەنووس لە ڕاپۆرتێکدا ڕایگەیاند کە هەموو ڕۆژنامەنووسانی کەرتی غەززە ڕژانە سەر شەقامەکان بۆ ئەوەی داوای کۆتایی هێنان بەو برسێتییە بکەن کە چەند مانگێکە کەرتی غەززە بە بێ هیچ کارێک لە لایەن ڕێکخراوە نێودەوڵەتی و مافی مرۆڤ و نەتەوە یەکگرتووەکانەوە گرتۆتەوە، پاڵنەرەکەی ئەو هەڵوێستە بەهۆی نیگەرانییە مرۆییەکانەوە بوو، بەو پێیەی هەموو چین و توێژەکانی کۆمەڵگەی کردە ئامانج.

 

ڕوونیکردەوە کە ئەمڕۆ ڕۆژنامەنووسان لە برسیبووندا ڕوماڵی ڕووداوەکانی مەیدان دەکەن و ئەو ڕەشبینی و لاوازییەی کە لەسەر ڕووخساریان دیارە لە کامێرادا دیارە، هێزەکانی ئیسرائیل لەنێو گەمارۆی توند و دەروازە داخراوەکاندا برسێتییان وەک چەک بەکارهێناوە، بۆ سزادانی هەموو ئەو کەسانەی کە لە کەرتی غەززە ماونەتەوە بەهۆی خۆڕاگری و مانەوەیان لەسەر خاکەکەیان و ڕەتکردنەوەی هەموو ئەو پلانانەی ئاوارەبوون کە خراونەتەڕوو.

 

ئاماژەی بەوەشکرد، دەیان خێزانی فەڵەستینی بێ ماڵ و حاڵ ماونەتەوە و لە کاتی ڕێپێوانەکەدا دەیان چادر لەسەر ڕێگا گشتییەکان دەرکەوتن، بەڵام فەڵەستینییەکان ڕەتیدەکەنەوە خاکەکەیان بەجێبهێڵن، ئاگاداری هاودەنگی بە کۆمەڵێک ڕۆژنامەنووس لەبەردەم ئەنجومەنی یاسادانانی فەڵەستین دەستیپێکرد و لە ماوەی چەند خولەکێکدا، کۆمەڵێکی زۆر لە ڕێپێوانێکی خۆبەخۆدا لە گۆڕەپانی سەربازە نەناسراوەکەدا بەشداری ڕۆژنامەنووسان بوون، ئەمەش بەڵگەیە لەسەر ئازاری تەواوی گەلێک کە داوای کۆتاییهێنان بە شەڕ و برسێتی دەکەن.

 

دوعا موسلح جەختی لەوە کردەوە، هەرکەسێک بەناو بازاڕەکانی کەرتی غەززەدا بڕوات، هیچ شتێک نادۆزێتەوە بۆ خواردن، یان شتێک بۆ تێرکردنی برسێتی برسیەکان، بەتایبەتی منداڵان. کاتێک یەک کیلۆ ئارد دەگاتە ٧٠ دۆلار و شەکر بە ١٢٠ دۆلار واتای چییە؟ ئەمەش بەڵگەی ڕێژەی بەربڵاوی بەدخۆراکی و کەیسی بێهۆشبوونی هاوڵاتیانی ژن لەسەر ڕێگا گشتییەکان و دواکەوتنی چاکبوونەوەی نەخۆشەکان کە تەنانەت زۆرێکیان گیانیان لەدەستداوە، ئەمە دوا بانگەوازە بۆ کردەوە و ڕزگارکردنی ئەوەی لە هاوڵاتیانی غەززە ماوەتەوە.

دانوستان ئامرازێکی تری کوشتنی گەلە

ئەسیل مەتەر، ڕۆژنامەنووس ئاماژەی بەوەدا کە ئەو ئامادەی ئەو ئاگادارییە هاودەنگییە بووە بۆ ئەوەی داوای کۆتاییهێنان بە هەردوو شەڕ و برسێتی بکات، دوای ئەوەی هەموو جیهان شکستی هێنا و ڕێگەی بە غەززییەکان داوە لەبەردەم شاشەی خۆیاندا بمرن، لەگەڵ زیادبوونی خێرایی کۆمەڵکوژییەکان ڕۆژانە، لێدوانەکانی ئەمریکا ڕۆڵیان هەیە لە زیادبوونی کوشتن و برسێتیدا، هاوکات پشتگیری لە لێدوانەکانی ئیسرائیل دەکرێت کە درۆی دانوستانەکانیان وەک ئامرازێک بەکارهێناوە بۆ توندکردنەوەی پەتی برسێتی و مردن لەسەر گەلی فەڵەستین.

 

پەیامێکی ئاراستەی ڕێکخراوەکانی مافی مرۆڤ کرد کە پەیوەندییان بە پرسە مرۆییەکانەوە هەیە لە سەرانسەری جیهان و داوای لێکردن فشار بخەنە سەر هێزەکانی ئیسرائیل و ڕێگە بە چوونە ژوورەوەی تۆنێک کاڵا و خۆراک بدەن، ئەگەرنا لە دەروازەی عاریش لە میسر لەناو دەبرێن، بەشداریکردنی دەیان ژن و بەساڵاچوو و منداڵ لە ناڕەزایەتییەکەدا دەرخەری بێدەسەڵاتی ئەوانە و نوێنەرایەتی دوا هیوایان دەکات بۆ کۆتاییهێنان بە برسێتی لە غەززە.

 

داواکاری کۆتایی

لانا سەحار ئاماژەی بەوەکرد، شایەتحاڵی ئەو ناڕەزایەتییە بووە کە لەلایەن ناوەندی ڕۆژنامەنووسانەوە ڕێکخرابوو، خۆی و نۆ منداڵەکەیدا بەشدارییان کردووە، برسی بوو و چووە دەرەوە بۆ سەر شەقام بۆ ئەوەی بەدوای شتێکدا بگەڕێت بیخوات، بەڵام هیچی نەدۆزیەوە، بڕیاریدا بەشداری ناڕەزایەتییەکە بکات بۆ تۆڵەسەندنەوە لە نادادپەروەری جیهانێک کە چاودێری منداڵ و ژنانی برسی دەکات و شکست دەهێنێت لە هەستانەوە بۆ یارمەتیدانیان.

 

ئاماژەی بەوەشکردووە، ئەمە دوا بانگەوازی کەرتی غەززەیە، دوای ئەوە هاوڵاتی نامێنێت و ناتوانن بەرەو ڕۆژئاوا، باکوور، ڕۆژهەڵات، یان ڕۆژئاوا بجوڵێن، ئێستا هیچ هەلێکی مانەوە نییە، ئەوانەی نەکوژرێن، بە دەستی بازرگانان و قۆرخکاران کە نرخ بەرز دەکەنەوە، بێ گوێدانە برسێتی، بە برسی دەمرن، چونکە هیچ هیوایەک لە ئاسۆدا نییە بۆ ڕزگارکردنیان.