ناوەندەی هەواڵ

پێشنیوەڕۆی ئەمڕۆ ٢٢ی ئایار، لەگەڕەکی کەلاری کۆنی شارۆچکەی کەلاری منداڵێکی کچ بە ناوی "ماریا ئیسماعیل"، لەدایکبووی ساڵی ٢٠٠٩ ، بە گوماناویی گیانی لەدەستدا.

بەپێی ئەو زانیاریانەی لە ڕاگەیاندنەکاندا بڵاوبووەتەوە، وتراوە ئەو منداڵە کچە لەگەڵ برا حەوت ساڵانەکەی، ناکۆکی لەنێوانیاندا دروستبووە و هەوڵی خۆکوشتنی داوە، لەکاتی گەیشتنیشی بە نەخۆشخانە بەهۆی خراپی دۆخی نەتوانراوە وتەی لێ وەربگیرێت و گیانی لەدەستداوە.

پۆلیس پەڕاوی بۆ ڕووداوەکە کردوەتەوە و لێکوڵینەوە دەستی پێکردووە، تەرمەکەش بۆ توێکاری گواستراوەتەوە بۆ پزیشکی دادی کەلار.

ئەوە لە کاتێکدایە گیان لەدەستدانی گوماناویی ژنانی گەنج و تەنانەت منداڵانی کچ ڕێژەکەی لە زیادبووندایەو عەقڵیەتی پیاوسالار هەمیشە لە هەوڵی ئەوەدایە تاوانی کوشتنی ژنان بەناوی خۆکوشتنەوە بشارێتەوەو خۆیان لە سزاکان دەرباز بکەن.