ناوەندی هەواڵ

 

ئەمڕۆ ١٧ی کانوونی یەکەم، لە بەردەم یەکەی سەرپەرشتیاری گشتیی شاری کەرکوک، مامۆستایانی خوێندنی کوردی، بەهۆی پێنەدانی موچەکانیان و دواکەوتنی موچەکانیان بۆ هەفتەی دووەم گردبوونەوەیان ئەنجامداو بەیاننامەیەکیان خوێندەوە.

 

لە بەیاننامەکەدا هاتووە: ئێمە وەک دەستەی مامۆستایانی خوێندنی کوردی بە پاڵپشتی ئێوەی ستەملێکراو، ئەم ماوەیە لە گۆڕەپانی خۆپیشاندان بووین، بۆ داواکردنی مافە زەوتکراوەکانمان و چارەسەرکردنی دواخستنی موچە و تەوتین کردنی موچەکانمان لە بانکە فیدڕاڵییەکان و دوای ٧٨ ڕۆژ دەسەڵاتی هەرێمی گەندەڵستان لیستێکی موچەی پڕ شەرمەزاری لەژێر فشاری دارایی عێراقدا بڵاوکردەوە، تیایدا بە ٧ ڕۆژ موچە دابەش دەکات، بۆیە ئاگادارتان دەکەینەوە، کە

یەکەم: خەباتی مەدەنیانەمان بەردەوام دەبێت بۆ ڕەتکردنەوەی ستەم.

دووەم: لە نزیکترین کاتدا سەردانی بەغدا دەکەین بۆ گەیاندنی داواکارییەکانمان بەلایەنی پەیوەندیدار.

سێیەم: مامۆستایان بەپێدانی یەک موچە بێدەنگ نابن و بەردەوام دەبن لەو خەباتەی دەستمان داوەتێ بۆ بەدەستهێنانەوەی موچە دزراوەکانمان.

چوارەم: تەوتین کردنی موچە بەپێی بڕیارەکانی دادگای فیدراڵی.

پێنجەم: گواستنەوەی ڕاژەکانمان بۆ سەر حکومەتی ناوەند بەپێی بڕگەی ٢١ لە کارنامەی درووستبوونی حکومەتی سودانی.

 

سەرکەوتووبێت خەباتی مەدەنی مامۆستایان

دەستەی مامۆستایان و فەرمانبەرانی خوێندنی کوردی.

١٧-١٢-٢٠٢٤

٧٨-١٠-٢٠٢٤ بەپێی خشتەی حکومەتی کوردی.