ناوەندی هەواڵ

 

لەیلا زانا، سیاسەتمەداری کورد بە لێدوانێک کە لە هەژماری تۆڕی کۆمەڵایەتی خۆیدا کاردانەوەی بەرامبەر دەستگیرکردنی ئەو گەنجانەی کە بە گۆرانی کوردی هەڵدەپەڕێن، نیشان دا.

 

لەیلا زانا وتی: بەزۆر کورد سنووردار مەکەن، ئەگەر دەتانەوێت بە گۆرانییە کوردییەکانمان و دەهۆڵ و زورنا و دروشم هەموومان ببەنە دەرەوە بۆ مەیدان و گۆڕەپانەکان، دڵخۆشین.

 

٦ ژنی گەنج بە تۆمەتی بڵاوکردنەوەی ئەو وێنانەی لە ئاهەنگێکی هاوسەرگیریدا لە شارەدێی میسیرجی شاری سێرت گیراون و لە تۆڕی کۆمەڵایەتیدا بڵاوکراونەتەوە، لە هەڵکوتانە سەر ماڵاندا دەستبەسەرکراون.