ناوەندی هەواڵ

 

بەپێی سەرچاوە خۆجییەکانی ئێران، ئەمڕۆ باران ئومێدیان، خوێندکاری دکتۆرا لە ئەندازیاری لەگەڵ خوشکەزاکەی بەناوی دۆرسا ئەیازی تەمەن ١٧ ساڵ بەبێ فەرمانی دادوەر و بەبەکارهێنانی توندوتیژیی لەلایەن هێزەکانی وەزارەتی ئیتلاعاتی ئێران لە تاران دەستبەسەر کران.

 

هەروەها باران ئومێدیان بۆ گرتووخانەی قەرچەک گواستراوەتەوە و دۆرسا ئەیازیش لە ناوەندێکی چاکسازی ڕاگیراوە.

هاوکات چالاکوانان هۆشداریان داوە ئەگەری هەیە بۆ دانپێدانانی زۆرەملێ بخرێنە ژێر ئەشکەنجە و فشاری توند و نیگەرانییەکان سەبارەت بە تەندرووستی و سەلامەتییان لە زیادبووندایە.

 

جێگای ئاماژەیە لە ساڵی ٢٠٢٢ لە کاتی خۆپیشاندانی شۆڕشی”ژن ژیان ئازادی” باران ئومێدیان یەکێک بوو لە خوێندکارە ناڕەزایەتییەکانی زانکۆ، ئامادە نەبوو نامەی پەشیمان بوونەوە بنووسێت و بەهۆی پاڵپشتیکردنی خوێندکارانی دیکە لە بەرانبەر ئەو ڕەفتارە خراپ و بێ ڕێزیانەی هێزە ئەمنییەکان، لە زانکۆ دەرکرا.