ناوەندی هەواڵ

 

ڕۆژی ٥ی ئەیلول کۆنگرەی ڕاوێژی ژنانی کورد لە ئەوروپا لە وڵاتی هۆڵەندا، دژی داگیرکاری و هێرشەکانی سەر کوردستان بەڕێوەچوو، وەک ئەنجامنامە ١٣ بڕیاری گرنگ دران بۆ ڕووبەڕووبوونەوەی داگیرکارییەکان.

 

ڕاوێژی ژنانی کورد لە ئەوروپا لە ١٣ خاڵدا بڕیاریدا:

١- پێکهێنانی دەستپێشخەریی ژنانی کورد بۆ دەستێوەردانی بەپەلە لەدژی داگیرکاریی.

٢- داوا لە پەدەکە دەکەین کۆتایی بە شەهیدکردنی گەریلایانی ئازادیی بهێنێت و چارەنووسی ئەو گەریلایانە ئاشکرا بکات، ەک نادیارن و چیتر پەدەکە ڕێگا بۆ داگیرکاریی دەوڵەتی تورک خۆش نەکات و بەپێی بەرژەوەندیی نەتەوەیی هەڵسوکەوت بکات.

 

٣–  پێویستە شاندێک لەدژی داگیرکارییەکان بەپەلە بنرێتە باشووری کوردستان.

٤- گەشەپێدان بە ڕێکخستنی ژنان لە چوارچێوەی یەکێتیی نەتەوەیی و بەپێی پیشەکانیان، وەکو هونەرمەند، ئەکادمییەکان، سیاسەتمەدار، دایکانی شەهیدان و هتد.

 

٥- جەختکردنەوە لەسەر بەشداریی ژنان لەناو ئەو گفتوگۆ و بڕیارە سیاسییانەی، کە سەبارەت بە یەکێتی نەتەوەیی ئەنجام دەدرێن.

٦- دروستکردنی دەستەکانی ژنان بۆ کۆبوونەوەی نەتەوەیی لە کاروباری دیپلۆماسیی دژی داگیرکاری.

 

٧- ناردنی نامە بۆ ژنانی کاندیدانى هەڵبژاردنی پەرلەمانى عێراق و ڕێکخراوە نێودەوڵەتییەکان لە دژی هێرش و پەلامارەکانى دەوڵەتی تورکى داگیرکەر.

٨- ناردنی پەیام بۆ ژنانی ناو پارتە سیاسییەکانی باشووری کوردستان و ڕێکخراوەکانی ژنان تا لە دژی داگیرکارییەکان دەنگی خۆیان هەڵبڕن.

 

٩- داوا لە کۆمیتەی ئامادەکاری کۆنفرانسی سێیەمی یەکێتیی نەتەوەیی ژنان دەکەین کە کۆبوونەوەی بەپەلە بیەسترێت، تاوەکو ڕێگرى لە هەڕەشەکانی سەر کوردستان بکرێت.

١٠- داوا لە هەموو پارت و ڕێکخستنە سیاسییە کوردییەکان دەکەین تاوەکو ڕێز لە ئیرادەی سەربەخۆی ژنان بگرن و دەرفەت بە ژنان بدەن تا لەسەر یەکێتی نەتەوەیی کارەکانیان ئەنجام بدەن.

 

١١– ڕاوێژەکەمان داوا لە حکومەتی هەرێمی کوردستان دەکات، تاوەکو بەپەلە ڕۆژنامەوان و چالاکوانە دەستگیرکراوەکانى بادینان ئازاد بکەن.

١٢- داوا لە هەرێمی کوردستان دەکات تاوەکو ڕێگرى لە تیرۆرکردنی چالاکانی سیاسیی ڕۆژهەڵاتی کوردستان لەلایەن ڕژێمی ئێران لەناو خاکی باشووری کوردستان بگرێت.

 

١٣- داواکارین لە هەموو کوردێک وەکو ئەرکێکی نەتەوەیی، لەپێناو ئازادکردنی ئەو ژنە کوردە ئێزدییانەی کە هێشتا بێسەروشوێنن، تێبکۆشن.

 

ت.پ