ناوەندی هەواڵ

 

ڕێکخراوی مافی مرۆڤی هەرانا، لە ڕاپۆرتێکدا ئاماری ٢٤ کاتژمێری ڕابردووی جەنگی نێوان ئیسرائیل – ئەمریکا و ئێران و ژمارەی کوژراوانی بڵاو کردەوەو تێیدا هاتووە: لە ١٦ پارێزگای ڕۆژهەڵاتی کوردستان و ئێران نزیکەی ٤٢٥ هێرش ئەنجام دراون، کە ٥٣ بنکەی سەربازیی، بارەگاکانی سوپای پاسداران، ناوەندەکانی بەسیج، فڕۆکەخانە سەربازییەکان، بنکەکانی پۆلیس، کۆگاکانی نەوت و ژێرخانی وزەی ئەتۆمیی ئێران کراونەتە ئامانج، هەروەها ٣٦ هاوڵاتی مەدەنی کوژراون و ٤٨ هاوڵاتی مەدەنی دیکەش بریندار بوون.

 

ئاماژە بەوەش کراوە، لە ماوەی ٢٤ کاتژمێری ڕابردوودا لە لایەن فڕۆکە جەنگییەکانی ئەمریکا و ئیسرائیل زۆرترین هێرش بۆ سەر پارێزگاکانی ئەلبوورز، خوزستان، ئەسفەهان، قەزوین و قوم ئەنجام دراون.

 

ئەوەش خراوەتە ڕوو، لە دەستپێکی جەنگی ئەمریکا-ئیسرائیل و ئێرانەوە تا دوێنێ ٧ی نیسان، هەزار و ٧٠١ هاوڵاتی کوژراون، لەو ژمارەیە ٢٥٤ منداڵی خوار تەمەن ١٨ ساڵی تێدایە.