سۆما بارزگر

 

مەریوان-لە حەوتەمین ساڵیادی کوشتنی چالاکوانانی ژینگەپارێزی شاری مەریوان لە گۆڕستانی “دار سیران” مەراسیمێکی یادکردنەوە بەڕێوەچوو. ئەو چالاکییە کە بۆ یادی چالاکوانانی سنە بەڕێوەچوو، بە ئامادەبوونی بنەماڵە، چالاکانی ژینگەپارێز، هونەرمەندان، و کۆمەڵە ژینگەپارێزەکانی شارەکانی ورمێ، ئیلام، کامیاران، سنە و دیواندەری ڕۆژهەڵاتی کوردستان، بە بەشداری کۆمەڵەی شاخی مەریوان سەوم. ئامانجی سەرەکی ئەو بەرنامەیە یادکردنەوەی ئەو کەسانە بوو کە لە کاتی کوژاندنەوەی ئاگری دارستانەکانی زاگرۆس گیانیان لەدەستدا و لە هەمان کاتدا گرنگیدان بە بەهێزکردنی خەبات بۆ پاراستنی ژینگەیە.

لە چالاکییەکەدا یادی ڕووداوەکانی ڕابردوو کرایەوە، وتاردەران سەرنجیان بۆ ڕۆڵی کۆمەڵگەی مەدەنی لە ڕێگریکردن لە لەناوچوونی سروشت ڕاکێشا.

 

هەروەها ئاماژە بەوە کرا کە سووتانی دارستانەکان، وشکبوونەوەی سەرچاوەکانی ئاو، لەناوبردنی جۆرەکانی ڕووەک و ئاژەڵ و ئەو ئاستەنگانەی ڕووبەڕووی چالاکانی ژینگەپارێزی دەبنەوە، مەترسییەکی گەورە بۆ داهاتووی ئیکۆلۆژی کوردستان دروست دەکەن، هەروەها ڕاگەیەندرا کە ئەرکی دامەزراوە بەرپرسیارەکان ئەوەیە کە پێکەوە بوەستن بەرامبەر بەم هێرشانە بۆ سەر سروشت.

 

ژن بنەمای کۆمەڵگەو سروشت

لە چالاکییەکەدا پەیوەندی نێوان ژن و سروشت وەک پەیوەندییەکی مێژوویی و کۆمەڵایەتی بیندرا، هەروەها سەرنج بۆ ئەو ڕۆڵە گرنگە ڕاکێشرا کە ژنان نەک تەنها لە پاراستنی سامانە سروشتییەکان، بەڵکو لە بەردەوامبوونی کۆمەڵگەو بونیادنانی ئومێد لە دوای قەیرانەکاندا دەیگێڕن.

 

یەکێک لە دیمەنە سەرنجڕاکێشەکانی ئەو چالاکییە کاتێک بوو کە دایکانی شەهیدان سەردانی کەسوکاری ئەو کەسانەیان کرد کە بەم دواییە گیانیان لەدەستدابوو. ئەو دایکانەی لە پێناو ئازادی و پاراستنی سروشت منداڵەکانیان لەدەستدابوو، لە تەنیشت دایکانی دیکەوە وەستابوون و پەیامیان گەیاند کە بە تۆڕە کۆمەڵایەتییەکان و پاڵپشتی بەردەوام دەبن لەم خەباتە مەدەنییە.

 

بەرنامە کولتوورییەکان دەرکەوتنی بەرخۆدانن لە بەرامبەر لەبیرچوونەوە

لە چالاکییەکەدا تراکتەکانی کۆمەڵەکان خوێندرانەوە، ڕێز لە بنەماڵەی ئەو کەسانە گیرا کە بەم دواییە گیانیان لەدەستدابوو، ژنانیش بەکۆمەڵ سروودیان خوێندەوە. هەروەها خوێندنەوەی هۆنراوە و بەرهەمی هونەری بە یادی چالاکانی ژینگەپارێز پێشکەش کرا. لە نێو هونەرمەندان، نیگارکێش و دیزاینەر سەحەر بیۆس تابلۆیەکی سێ شەهیدەکەی پێشکەش کرد و ڕێزی خۆی نیشان دا.