سورگول شێخۆ

 

تل تەمر- لە کاتێکدا داگیرکەرانی تورکیا بەردەوامن لە بۆردومانکردنی گوند و کڵیساکانی ئاشوور، ئاشوورییەکان و سریانییەکان لە شاری تل تەمر لە پارێزگای جەزیرە لە باکوور و ڕۆژهەڵاتی سووریا ئاهەنگی ساڵی نوێی ئاشووری دەگێڕن.

 

لە ١ ی نیسان ئاشوورییەکان و سریانییەکان و کلدانییەکان ئاکیتۆ دەگێڕن کە ساڵی نوێی بابلی، مێژووی ئاکیتۆ دەگەڕێتەوە بۆ سەردەمی بنەماڵەی سێیەمی ئور.

 

١ی نیسان ڕۆژی نوێبوونەوەی ناسنامەی کەلتووری و کەلەپوورییە

سابێلا ئختیار پیرۆزبایی لە گەلی ئاشوری کرد بەبۆنەی ساڵی نوێی ئاشوور-بابلییەوە، وتی:"پیرۆزبایی لە گەلەکەمان بەتایبەتی لە سووریا و عێراق دەکەین، بەبۆنەی هاتنی ئەم ساڵی نوێوە ، هیوادارین لەم بۆنەیەدا ئاشتی و سەقامگیری سەربکەوێت."

 

لای خۆیەوە جەمیلە کاکۆ ئاماژەی بەوەدا کە ١ی نیسان گوزارشت لە نوێبوونەوەی ژیان و سروشت دەکات و دەڵێت:"کۆنترین ئاهەنگی ساڵی نوێ لە مێژووی مرۆڤایەتیدا ساڵی نوێی ئاشووری-بابلییە کە لە هەمان کاتدا بە مانای نوێبوونەوەی ناسنامەی کولتووری و ئاهەنگگێڕانی کەلەپووری ئاشوورییە و بۆنەیەکی گرنگە بۆ یەکڕیزی ئاشوورییەکان لەسەر ئاستی جیهانی."

 

سیمیل ئختار وتی:" کە لە ١ی نیسان یادی ساڵی ئاشووری دەکاتەوە، کە هەڵگری کەلەپووری مێژوویی و شارستانیەتی و دابونەریتی دێرینە، لەم بۆنە پیرۆزەدا یادی ئەو ناخۆشییانەی گەلی ئاشووری خۆمان بەسەریدا هاتووە ، ئەو هەلومەرجە سەختەی ئەمڕۆ ئاشوورییەکان لە سووریا ڕووبەڕوویان دەبێتەوە هەڵدەسەنگێنین، ئاماژەی بەوەدا کە گەلی ئاشوری لە سووریا کە هەمیشە بەشێکی دانەبڕاو بووە لە پێکهاتەی ئەم خاکە دێرینەدا ڕووبەڕووی ئاستەنگی بوونیان دەبێتەوە، بارودۆخەی کە وڵاتەکە پێیدا تێدەپەڕێت.

 

.

 

 

تێکۆشان بۆ مافەکانی مرۆڤ و کەلتوور

ڕوونیشیکردەوە کە ئاشوورییەکان لە ململانێیەکی سەختدا دەجەنگن لە نێوان ئاوارەبوونی زۆرەملێ و ئاوارەبوون ، هێرشی ڕۆژانە بۆ سەر گوندە ئاشوورییەکان کە گەلەکەمان لە باوەش گرتووە، ئاشوورییەکان بۆ مافە مرۆیی و کەلتوورییەکانی خۆیان دەجەنگن، ئاماژەی بەوەدا کە ساڵی نوێی ئاشووری تەنها ئاهەنگ گێڕان نییە، بەڵکو بانگهێشتێکە بۆ بیرکردنەوە لەو ئاستەنگانەی ڕووبەڕوویان دەبێتەوە و کارکردن بۆ بەهێزکردنی ئامادەیی خۆیان لە ژیانی سیاسی و کەلتووری و کۆمەڵایەتی ناوچەکەدا.

 

سیمیل ئختیار داوای لە نەتەوە یەکگرتووەکان و ئەنجومەنی ئاسایشی نەتەوە یەکگرتووەکان کرد ، لە خەباتیاندا بۆ ئازادی و دادپەروەری پاڵپشتی گەلی ئاشووری بوەستن ،حکومەتی کاتی کرد کە مافەکانی ئاشوورییەکان بخاتە نێو دەستووری سووریاوە، دوای قۆناغی گواستنەوە، وەک هاوڵاتی ڕەسەنی ئەم خاکە.

 

شایانی باسە ساڵی نوێی بابلی ( ئاکیتۆ ) بە یەکێک لە گرنگترین پشووەکانی لەنێوان دوو ڕووباردا  دادەنرێت، بەگوێرەی ڕۆژژمێری ئەکەدی ٢١ ئادار دەست پێدەکات، لە یەکی نیسان کۆتایی دێت و دانیشتوانی لەنێوان دوو ڕووباردا لەچوارچێوەی ئاهەنگە پیرۆزەکاندا بۆ ماوەی دوازدە ڕۆژ بەکاری کشتوکاڵی یادی سەری ساڵ دەکەنەوە.