شەهبا

 

لەدژی لەشکرکێشی دەوڵەتی تورکیا بۆسەر ناوچەکانی باکوور و ڕۆژهەڵاتی سووریا، بەتایبەتی ئەو هێرشەی دوێنێ کە لە قامیشلۆ ڕوویدا و لە ئەنجامدا، خالیدە محەمەد شەریفی ٤٥ ساڵ، وتەبێژی کۆنگرەی ستارو کوڕەکەی هەژار عەدنان سلێمانی، گیانیان لەدەستدا , کۆنگرەی ستار عەفرین-شەهبا لە کامپی سەردەمی شارۆچکەی ئەحداسی شەهبا بەیاننامەی داو ئەندامانی کۆنگرەی ستار بەشداریان کرد و وێنەی خالیدە و کوڕەکەی و هەروەها ئاڵاکانی کۆنگرەی ستاریان بەرز کردەوە.

 

بەیاننامەکە لەلایەن ڕیحان عەلۆ، کۆردیناسیۆنی کۆنگرەی ستار عەفرین-شەهبا خوێندرایەوەو ئیدانەی هێرشەکانی دوێنێی شاری قامیشلۆی کرد و وتی: بە ناوی ژنانی کانتۆنی عەفرین- شەهبا، بە توندی ئیدانەی بەئامانجکردنی وتەبێژی کۆنگرەی ستار خالیدە و هەژاری کوڕی دەکەین، بەم شێوەیە جارێکی دیکە ڕوونە کە دەوڵەتی داگیرکەری تورک ڕۆژ لە دوای ڕۆژ، بە دانانی مین لەناو ئۆتۆمبێل و بەکارهێنانی فڕۆکەی بێفڕۆکەوان بەردەوامە لە هێرشەکانی بۆ سەر ناوچەکانی باکوور و ڕۆژهەڵاتی سووریا، بە تایبەت تەڤگەری ژنان و پێشەنگانی ژنان، خەباتی خۆتان لە دژی هێرشە جینۆسایدەکان بەرز بکەنەوە.

 

"ئێمە تێدەکۆشین و بەردەوام دەبین لە بەرخۆدانمان"

لە کۆتایی بەیاننامەکەدا ڕیحان عەلۆ داوای کۆتایی هێنانی بە هێرشە دڕندەکان کردو وتی: لە کاتێکدا دەمانەوێت هاوخەمی خۆمان بۆ کەسوکاری شەهیدان و تەڤگەرەکانی ژنانی ئازاد و سەرجەم ڕێکخراوەکانی ناوچەکە دەرببڕین، داوا لە هەموو وڵاتان و ڕێکخراوەکان دەکەین دژی ئەم کارانە بوەستن و بێدەنگ نەبن، بە بیری جیهان دەهێنینەوە کە ئێمە بەرخۆدێری ئاشتیین و تا ئێستاش لە هێڵی خەباتدا دەڕۆین بۆ بەدەستهێنانی مافەکانمان، بڕیارمانداوە بۆ گەیشتن بە ئامانجەکانی شەهیدەکانمان، بۆ سووریایەکی ئازاد و دیموکراتیک و خۆبەڕێوەبەرو مسۆگەر تێدەکۆشین و بەردەوام دەبین.

 

 ڕاگەیاندنەکە بە دروشمی "ژن، ژیان، ئازادی" و "بمرێ خیانەت" کۆتایی هات.