ناوەندی هەواڵ

 

ڕێکخراوی لێبوردنی نێودەوڵەتی داوای لە دەزگای دادوەری ئێران کرد سزای لەسێدارەدانی سەر پەخشان عەزیزی، ڕۆژنامەنووس و داکۆکیکاری مافی ژنان هەڵبوەشێنێتەوە و داوای ئازادکردنی دەستبەجێی کرد.

 

ڕێکخراوی لێبوردنی نێودەوڵەتی لە بەیاننامەکەیدا پشتڕاستی کردەوە کە ساڵانێکە گەلی کورد لەژێر دەسەڵاتی ئێراندا تووشی توندوتیژیی سیستماتیک بووە، پێویستە دەستبەجێ سزای لەسێدارەدانی پەخشان عەزیزی هەڵبگیرێت و بەبێ مەرج ئازاد بکرێت، پەخشان عەزیزی تەنها لەسەر پاراستنی مافە ئاشتیانە و یاساییەکان دەستگیرکراوە،

 

ڕێکخراوەکە سزای لەسێدارەدانی بە "تاوانێک دژی مرۆڤایەتی" پێناسە کردووە.

 

پەخشان عەزیزی کە ڕۆژی ٤ی ئابی ٢٠٢٣ لەلایەن هێزەکانی ئێرانەوە لێپرسینەوەی لەگەڵ کرا و دەستبەسەر کرابوو، ڕۆژی ٢٣ی ئابی ئەمساڵ سزای لەسێدارەدانی بەسەردا سەپێندرا.