مەدینە مامەدئۆغڵو

 

ناوەندی هەواڵ- لە باکوری کوردستان و تورکیا ئەمڕۆ ٦٤ ملیۆن و ١١٣ هەزار و ٩١٤ دەنگدەر دەچنە بنکەکانی دەنگدان، لە ئامەد، کە پەرۆشییەکی زۆر هەیە، دەنگدەران لە کاتژمێرەکانی بەرە بەیاندا چوونە بنکەکانی دەنگدان و دەنگیان دا.

 

ئەو کەسانەی کە گرنگییەکی زۆریان بە سندوقەکانی دەنگدان داوە لە کاتژمێرەکانی سەرەتای بەیانیدا چوونە قوتابخانەکان و بەهۆی قەرەباڵغیەوە ڕیزکران.

 

چاودێران و پارێزثرانیش له مەیدانەکان دەبن

دەنگدان لە شارەکەى بەردەوامە و ئەندامانی پارتی چەپی سەوز کە لە قوتابخانەکاندا چاودێرن لە مەیدانەکاندا دەبن بۆ چارەسەرکردنی ئەو کێشانەی کە لە کاتی دەنگداندا ئەزموون دەکرێن، جگە لە چاودێران، ٢٥٠ پارێزەری خۆبەخش لە ناوەندی شارەکە بڵاودەکرێنەوە، جارێکی دیکە ئەندامانی پارتی چەپی سەوز لەگەڵ تیمە گەڕۆکەکان چاودێری بارودۆخەکە لە ناوەندەکان و ناوچەکان بە درێژایی ڕۆژ دەکەن.

 

هەروەها ١٢ کاندیدی پەرلەمانی پارتی چەپی سەوز چوونە قوتابخانە و دەستیان کرد بە دەنگدان.

 

لە ناوچەکانی بوومەلەرزە بەشدارییەکی زۆر هەیە

لەو شارانەی کە بەهۆی بوومەلەرزەکەی ٦ی شوبات زیانیان بەرکەوت، زیانلێکەوتووانی بوومەلەرزە گەیشتە بنکەکانی دەنگدان، ئەو دەنگدەرانەی کە لە کۆگاکانیاندا دەنگیان بەکارهێناوە دەڵێن ئاسایشی سندوقەکانی دەنگدان لە هەرێمەکەدا گرنگترین بابەتە.

 

لە مەڕەش، خەڵکێکی زۆر لەبەردەم بنکەکانی دەنگدان لە کاتژمێرەکانی بەیانیدا بەڕیز وەستان، لە شارەکە ٧٣٥ هەزار٢٨٧ دەنگدەر بۆ هەڵبژاردنی سەرۆکایەتی و ٢٨مین پارلەمانی تورکیا لەسەر دوو هەزار و ٤٠٥ سندوق دەنگ دەدەن،  لە شاری دیلۆک، هاوڵاتیان قوتابخانەکانیان بۆ دەنگدان بەکارهێنا، ناوچەکانی ئیسلەحی و نورداغیا، کە بەهۆی بوومەلەرزەکەوە زیانێکی زۆریان بەرکەوت، ئەو کۆگایانەیان بەکارهێنا کە بۆ هەڵبژاردنەکە دروستکرابوون.

 

ژمارەی دەنگدەران ٧٠ کەس بوو بەڵام ٣٠٠ پسوڵە هەبوو

لە یەکەم ڕۆژەوە کە باسی هەڵبژاردن کراوە، تا ئێستا دەرکەوتووە کە دەنگدەران خۆیان تۆمارکردووە و سەدان دەنگدەری نوێ لە ناوچەکانی بوومەلەرزەکە تۆمارکراون. لەو بابەتانەی کە زۆرترین گفتوگۆی لەسەر کرا، هەڵبژاردن و پاراستنی سندوقەکانی دەنگدان بووو لە کاتژمێرەکانی بەیانییەوە نیگەرانییەکان زیادیان کردووە. لە گوندی بۆزتێپی لە مەڵاتیا ژمارەی دەنگدەران ٧٠ دەنگدەرە، بەڵام دەرکەوتووە کە ٣٠٠ پسوڵەی مۆرکراو دیاریکراوە، پارێزەران چاودێری دەکەن و سکاڵایان هەیە.

 

لە سەمسور لە ناوەندی شارەکە، هاوڵاتیان دەنگی خۆیان لە قوتابخانەکان و ناوچەکان و گوندەکان و كابینەکاندا دەنگیان دا، بەپێی زانیارییەکانی پارێزەرەکان، ئەو تورەکانەی پسوڵەکانیان تێدایە کراونەتەوە، هەروەها ئاماژەیان بەوەشکردووە، لە قوتابخانەکاندا، لە حاڵەتی پێشێلکاریدا، ڕێگە نادرێت ڕێوشوێنی پێویست وەربگیرێت.