ناوەندی هەواڵ

 

هەڵمەتی بەرگریکردن لە شەریفە محەمەدی ڕایگەیاند، ڕۆژی١٤ی ئەم مانگە دادگایی کردنی شەریفە محەمەدی لە دادگای ئینقلابی ڕەشت بەڕێوەدەچێت.

 

لە کاتی ڕاگەیاندنی ئەم هەواڵەدا، هەڵمەتەکە سەبارەت بە دانیشتنی دادگای شەریفە محەمەدی، چالاکوانی کرێکاری و زیندانی سیاسی زیندانیکراوی زیندانی لاکانی ڕەشت ڕایگەیاند کە "ئەمجارە بە هەلومەرجی تەواو جیاواز لە دادگای یەکەم بەڕێوە دەچێت،  چونکە ئەو سیناریۆ هەڵبەستراوەی وەزارەتی ئیتلاعات، کە لەلایەن لێکۆڵەر ڕەجەبی و دادوەر دەروێش گوفتار جێبەجێکرا و بووە هۆی دەرکردنی سزای لەسێدارەدان بۆ شەریفە محەمەدی بە تۆمەتی درۆ، ئێستا بەتەواوەتی ئاشکرا بووە و سەرنجی زۆرێک لە ناوخۆ و چالاکوانانی بیانی و دامەزراوە و ڕێکخراوە کرێکارییەکان و مافەکانی مرۆڤ بۆ ئەم کەیسە ڕاکێشراون.

 

ئەوەشیخستەڕوو، لیژنەی دۆزینەوەی ڕاستی نەتەوەیەکگرتووەکان و دامەزراوە جۆراوجۆرەکانی مافی مرۆڤ، کە دۆسیەیان لەگەڵ سکاڵای هەڵمەتی بەرگری شەریفە محەمەدی تۆمار کردووە و لێکۆڵینەوە لە لایەنە جۆراوجۆرەکانی پێشێلکردنی مافەکانی مرۆڤ لەم دۆسیەیەدا دەکەن، تا ئێستاش بەدواداچوون بۆ پڕۆسەی ئەم دۆسیەیە دەکەن.

 

هەڵمەتی بەرگریکردن لە شەریفە محەمەدی، بە ئاماژەدان بە بەرخۆدانی شەریفە محەمەدی لە زیندان لە بەرامبەر فشارەکان بۆ دانپێدانانی زۆرەملێ، هەروەها هەوڵە بەرفراوانەکانی چالاکوانان لە بوارە جیاجیاکان سەبارەت بە هەڵوەشاندنەوەی سزای لەسێدارەدان کە لە دژی ئەم زیندانییە دەرچووە وتی: هیچ سزایەک جگە لە بێتاوانی شەرەفمەندانە لە هەموو تۆمەتەکان ناتواندرێت قبوڵ بکرێت و داواکاری ئێمەش ئازادکردنی دەستبەجێ و بێ مەرجی شەریفەیە.

 

شەریف محەممەدی لە ٤ی کانوونی یەکەمی ٢٠٢٣ لەلایەن ئیدارەی ئیتلاعاتەوە دەستبەسەر کرا و ڕۆژی ٤ی تەمووز هەڵمەتی بەرگری شەریفە محەمەدی، سزای لەسێدارەدانەکەی ئاشکرا کرا.

 

ئەم سزایە لە هەموو جیهاندا کاردانەوەی زۆری لێکەوتەوە و شەرمەزار کرا، دواجار بە بەرخۆدانی شەریفە محەممەدی، هەوڵی زۆری چالاکوانانی بوارە جیاجیاکان، لە١٢ی تشرینی یەکەمی ئەمساڵدا سزای لەسێدارەدانی هەڵوەشایەوە.