ناوەندی هەواڵ

 

دەسەڵاتدارانی ئێران بەردەوامن لە دەرکردنی سزای  ئارەزوومەندانە دژی چالاکوانان، بەتایبەت ئەوانەی داوای مافی ژنان دەکەن، کە ئامانج بێدەنگکردنیانە.

 

دوێنێ ١٠ی کانونی یەکەم، ئیلهام ساڵحی، چالاکوانی سیاسی و فێمینیست، لە ڕێگەی هەژماری تایبەتی خۆی لە ئینستاگرام ڕایگەیاند، بە تۆمەتی “بڵاوکردنەوەی درۆ” و “حیجاب نەکردن” و “ڕاگەیاندن دژی ڕژێم"سزای ٥ ساڵ زیندانی لەگەڵ سزای هەڵپەسێردراو و سزای ماددی بە بڕی ٢٠ ملیۆن تمەن، بەسەردا سەپێندراوە.

 

ئیلهام ساڵع وتی: ڕۆژێک هێزە ئەمنییەکان هێرشیان کردە سەر ماڵەکەم و دوو مۆبایلیان برد، کاتێک ڕووبەڕووی من بوونەتەوە نامرۆڤانە بوو، ناوی هەندێک لە چالاکوانانی ماڵەکەمیان بانگ کرد و سووکایەتییان پێکردن، پرسیان : لەگەڵ فڵان کەس دەچیتە شاخ؟ ناڕەزایەتییەکان لە کام شەقام و لە کام گەڕەک بوو؟ ئارمیتا گراوند چ پەیوەندییەکی بە تۆوە هەیە؟ فێمینیزم؟ ناوی نادیار؟ نووسینی گشتی؟ کوا حیجابەکەت؟ سوکایەتیت بە سەرۆک کرد؟ ئایا تۆ دژی سزای لەسێدارەدانیت؟.