هەڵەبجە

 

خوێندکارانی بەشی ئەندازیاری شارستانی لە  زانکۆی هەڵەبجە بە ناونیشانی "تۆش بە ژەمێک خواردن بەشدار بە لەگەڵمان" چالاکیەکیان ڕێکخست و تیایدا ژەمە خۆراک و شیرینیان دەفرۆشت، تا دواتر داهاتەکەی پێشکەش بە نەخۆشخانەی هیوا بکەن.

 

خواردن و شیرینییەکان لەسەر شێوەی ئەندازیاری نمایش کران و خوێندکارانیش وەک هاوکاری بۆ نەخۆشخانەی هیوا دەیانکڕین.

 

سەناریا ڕێبوار، خوێندکاری قۆناغی سێیەمی ئەندازیاری شارستانی وتی: ئەمرۆ بە چەند چالاکیەک بەشداربووین لە خواردن دروستکردن و چەندین بیرۆکەمان لە نمایشەکەمان بەکارهێناوە، کە لەسەر شێوەی ئەندازیاری کێک و خواردنەکانمان ڕازاندووەتەوە، بەوهیوایەین بتوانین داهاتێک بۆ نەخۆشخانەی هیوا کۆبکەینەوە

 

چالاکییەکە تا ئێوارە بەردەوام بوو، جگە لە خوێندکارانی زانکۆی هەڵەبجە، هاوڵاتیانیش بەشداربوون، بەو هیوایەی بتوانن هاوکاری نەخۆشخانەی هیوا بکەن.