بەرچەم جودی

 

کۆبانێ- ڕێبەری گەلی کورد، عەبدوڵا ئۆجالان کە لە ١٥ی شوباتی ١٩٩٩ەوە لە دوورگەی ئیمرالی زیندانی کراوە، لە ٢٥ی ئاداری ٢٠٢١ەوە هیچ زانیارییەکی لە بارەیەوە نییە، لەو کاتەوە دەوڵەتی تورکیا بە بیانووی سزای دیسپلینی، چاوپێکەونی نێوان پارێزەر و بنەماڵەکەی قەدەغە کردووە، کە لە ٢١ی ئایاری ئەمساڵدا بۆ ماوەی ٦ مانگی دیکە نوێکرایەوە.

 

"سیستەم لە ئیمرالیدا لە ئاستی ئەشکەنجەدان جێبەجێ دەکرێت"

فەلەک یوسف، باسی سیستمی ئیمراڵی کرد و وتی: ٢٥ ساڵە ڕێبەر ئاپۆ لەلایەن هێزە پیلانگێڕ و هەژموونگەرەکانەوە دەستگیرکراوە، کە ئایدۆلۆژیای ڕێبەر ئاپۆ دژی بەرژەوەندییەکانیان بوو، لە ڕێگەی پیلانێکی نێودەوڵەتییەوە و لە کەسایەتی ڕێبەر ئاپۆدا پیلانگێڕی دژی گەلانی ڕۆژهەڵاتی ناوەڕاست و بەتایبەتی گەلی کورد ئەنجامدرا، بیرۆزی ڕێبەرتی هەموو کێشە و ململانێ و گرژییەکانی جیهانی شیکردەوە و لەسەر بنەمای ئەوەش چارەسەرێکی وەک دیدگایەک پێشکەش کرد، کە هەر کەسێک بە زمان و کولتوور و ناسنامەی خۆیەوە لەسەر خاکی خۆی و لە کۆمەڵگەیەکی ئەخلاقی و سیاسی و ئیکۆلۆژی و ئازادی ژنان مسۆگەرە بۆ ئەوەی بە ئاشتی و ئازادی بژین، لە بەرامبەر ئەم پرسانەدا پیلانگێڕی تا ئەمڕۆش بە بازنەی نوێ بەردەوامە، بەبەرچاوی ڕای گشتی و کۆمەڵگەی نێودەوڵەتییەوە دەستگیرکردنی ڕێبەر ئاپۆ  لە دەرەوەی دادوەری و بە نامرۆڤانە ئەنجامدرا، ئەمەش ئێستا لە سیستمی ئیمرالیدا بەردەوامە، هەروەها سزاکان بەردەوام دووبارە دەبنەوە، بەتایبەت لەم ساڵانەی دواییدا ئەو سیستمەی لە ئیمرالیدا جێبەجێ کراوە، سیستمی ئەشکەنجەیە.

 

"زلهێزە هەژموونییەکان لە هەموو بەشەکانی جیهان کێشە دروست دەکەن"

فەلەک یوسف سەرنجی بۆ هێرشەکانی پەیوەست بە دەستگیرکردنی ڕێبەری گەلی کورد عەبدوڵا ئۆجالان ڕاکێشا و وتی: ئەو هێزە هەژموونگەرانەی کە لە ئێستادا حوکمڕانی جیهان دەکەن، هەوڵی زیاتر گۆشەگیری دەدەن، چونکە دەزانن تەنانەت یەک وشەش دۆخی جیهان دەگۆڕێت و پرۆسەکەش دژی بەرژەوەندییەکانیان دەبێت، بەتایبەت لەم قۆناغەدا کە جیهان ڕووبەڕووی جەنگی جیهانی سێیەم بووەتەوە، دیدگاکانی ڕێبەر ئاپۆ لە هەموو کاتێک زیاتر پێویستن، شەڕ، ململانێ، کۆمەڵکوژی، توندوتیژی، گەندەڵی، برسێتی کە ئێستا لە سەرانسەری جیهاندا دەبیندرێت و خەڵکی تیایدا دەژی، ئەمە جگە لەو هێزە هەژموونخوازانەی لە ڕێگەی هێزەکانی ترەوە شەڕ بەرێوەدەبەن وەک ئیسرائیل–حەماس، ڕووسیا–ئۆکراین، سودان، لیبیا و چەندین وڵاتی تر، هەروەها هەڕەشە و هێرشەکانی دەوڵەتی تورک و ڕژێمی ئێران و ڕژێمی بەعس و هێرشە توندەکانی داعشیش بوونیان هەیە، بەڵام سەرەڕای ئەوەش گەلی کورد و پێکهاتەکانی باکوور و ڕۆژهەڵاتی سووریا زیاتر لە ١٣ ساڵە سیستمی نەتەوەی دیموکراتیک بە کردەوە جێبەجێ دەکەن، هەموو پێکهاتەکان پێکەوە هەنگاوی گەورە لە هەموو بوارەکانی ژیاندا بە پێشەنگایەتی ژنان دەنێن.

 

"بەرخۆدانی ڕێبەر ئاپۆ پلانی پیلانگێڕانی پووچەڵکردەوە"

فەلەک یوسف لە درێژەی قسەکانیدا وتی: ئەو مۆدێلەی کە لە باکوور و ڕۆژهەڵاتی سووریا بنیادنرا، پشت بە فەلسەفەی ڕێبەر ئاپۆ دەبەستێت، بوو بە هێمایەک بۆ هەموو جیهان، سیستمی هەژمونگەرایی و جێبەجێکردنی سیستمی نەتەوەی دیموکراتیک بە مانای شکستی ئەوان و سیستەمی یەک ئاڵا و یەک زمان و کولتوور و نەتەوە دێت، بۆ ئەوەی ئەم پڕۆژەیە ڕوونەدات، بارودۆخی زیندانی ئیمرالیان خستە ئاستی ئەشکەنجەدان، لێرەدا دەمانەوێت بڵێین ڕێبەر ئاپۆ بەو خۆڕاگری و ڕوانگە و پڕۆژانەی پێشکەشی کرد، پیلانگێڕی هەڵوەشاندەوە، هەنگاوی گەشەسەندنی هزری ڕێبەر ئاپۆ و چارەسەری کێشەی کورد پەیامێکی بەهێزی بۆ ئەو هێزە هەژموونخوازانە نارد کە هەوڵەکانیان بۆ لەناوبردنی ئەو زهنیەتەی ڕێبەر ئاپۆ شکستی هێنا و لەبری ئەوە ئەم ئایدۆلۆژیایە گەشاوەتر و جیهانیتر بوو، پێشتر بە سەرکردەی گەلی کورد ناسرابوو، بەڵام ئێستا وەک پێشەوای مرۆڤایەتی سەیر دەکرێت.