ناوەندی هەواڵ

 

دەزگای هەواڵگری و لێکۆڵینەوەی ناوەندی عێراق ڕاگەیەندراوێکی بڵاوکردەوەو ئاماژەی بەوەکرد، دوای گەیشتن بە زانیاری و بەڵگەی پێویست و بە بڕیاری دادگای تاوانی ڕێکخراوی بابل، تیمی هەواڵگری عێراق لە پارێزگای بابل توانیان تۆڕێکی بازرگانی بە مرۆڤ هەڵبوەشێنێتەوە و ئەندامەکانی لە کاتی ئەنجامدانی تاوانەکەدا دەستگیر بکات.

 

یەکێک لە منداڵەکان ساوایەو هێشتا ناوی تۆمار نەکراوە

ئەوەشخراوەتەڕوو، ئەو باندەی دەستگیرکراون بە نیازبوون و دوو منداڵ بەرامبەر بە ٣٠ ملیۆن دیناری عێراقی بفرۆشن و یەکێک لە منداڵەکان تەمەنی چوار ساڵە و ئەوی دیکەیان ساوایە و هێشتا ناوی تۆمار نەکراوە.

 

ئەوەشخراوەتەڕوو، دوای لێکۆڵینەوە باندەکە دانیان بە تاوانەکەیاندا ناوە و لە زاری خۆیانەوە وتوویانث کە بە نیازبوون ئەو دوو منداڵە بە بڕی ٣٠ ملیۆن دینار بفرۆشن و لە ئێستادا ڕەوانەی لایەنی پەیوەندیدار کراون تاوەکو ڕێکاری یاساییان بەرامبەر بگیرێتە بەر.