ناوەندی هەواڵ

 

لە دانیشتنێکدا لە ژێر دروشمی "دەستدرێژیکردن پرسێکی جەستەیی گرنگە" ئەنجومەنی گشتی نەتەوە یەکگرتووەکان بڕیارێکی گرنگی پەسەند کرد و وتی: داوا لە دەوڵەتان دەکەین کە ڕێوشوێنی کاریگەر لە چوارچێوەی سیستمی یاسایی نیشتمانی خۆیان و بەپێی یاسا نێودەوڵەتییەکان بگرنەبەر بۆ ئەوەی قوربانیان و ڕزگاربووانی توندوتیژی سێکسی یان پەیوەندیدار بە ڕەگەز بتوانن دەستیان بە دادپەروەری و تانەدان و هاوکاری بگات."

 

بڕیارەکە تایبەتە بە گرنگی دەستڕاگەیشتن بە دادپەروەری قوربانییەکان "بەخێرایی و بێ بەربەست"، پێویستی "بەهێزکردنی" هاوکارییە نێودەوڵەتییەکان و گرنگی پاراستنی مافەکانی ژنان بەگشتی.

 

ئاماندا نگوین، دامەزرێنەری ڕێکخراوی ناحکومی ڕایز، کە ساڵانێکە کار بۆ ئەو پرسە دەکات بۆ ئەوەی دەنگی ١.٣ ملیار کەسی ڕزگاربوو لە دەستدرێژی سێکسی لە سەرانسەری جیهاندا ببیسترێت، وتی: "ئەنجومەنی گشتی هەرگیز بڕیارێکی سەربەخۆی پەسەند نەکردووە کە دان بە دەستدرێژی سێکسیدا بنێت، تەنانەت ئەگەر بتوانرێت بڕیارنامەکەی نەتەوە یەکگرتووەکان بە 'ڕەمزی' هەژمار بکرێت، ئەوا هێمایەکی بەهێزە، چونکە ئێمە لێرە هاوار دەکەین و دەڵێین دەستدرێژیکردنە سەرمان گرنگە و دەبێت دان بەوەدا بنێیت".

 

جێسیکا لۆنگی ئەمریکی کە لە گەشتێکیدا بۆ دەرەوەی وڵات دەستدرێژی کراوەتە سەر، دەڵێت: "هەموو قوربانییەکان یان ڕزگاربووانی دەستدرێژی سێکسی گرنگن، تا ئێستا نەتوانراوە دان بە مافەکانیاندا بنرێت"، ئاماژەی بەوەشکردووە، "ئێمە لەگەڵ ئێوە شەڕ دەکەین و جیهان لەگەڵ ئێوە شەڕ دەکات، باشترین هەستم هەیە کە دەتوانم دەنگی ئەو کەسانە بم بەهۆی تەمەن و ڕەگەزیانەوە ناتوانن بێنە دەنگ.

 

جاکوب کۆلهانێک، باڵیۆزی چیک بە نوێنەرایەتی یەکێتی ئەوروپا، جەختی لەسەر "ئیرادە"ی ڕێکخراوەکانی رزگاربووان کردەوە بۆ هەوڵدان بۆ پەسەندکردنی بڕیارنامەکە، "جگە لە خودی هێرشەکە، زۆرجار ڕزگاربووان ڕووبەڕووی بەربەستی قبوڵنەکراو دەبنەوە بۆ دەستڕاگەیشتن بە یارمەتی و دادپەروەری و قەرەبووکردنەوە".

 

لای خۆیەوە ئەکتەری ئەمریکی جێفری دیلۆرێنتیس وتی: دەزانین کە دەبێت زیاتر کار بکەین بۆ کۆتاییهێنان بە توندوتیژی سێکسی لە جیهاندا، ئەم بڕیارە مێژووییە ئێمە لە ئامانجەکە نزیک دەکاتەوە.