ناوەندی هەواڵ

 

بەهۆی پشێوی ئەمنی ناوچەکانی ژێر کۆنتڕۆڵی حکومەتی دیمەشق، تەقینەوەی تەقەمەنی لە لادێی دەرعا لە باشووری سووریا بووە هۆی کوژرانی ٧ منداڵ و برینداربوونی چەندینی دیکە.

 

ئاژانسی هەواڵی سانا بە پشتبەستن بە پۆلیسی دەرعای سووریا، بڵاویکردەوە، بەهۆی تەقینەوەی ئامێری تەقەمەنی لە لادێی دەرعا، کە هێزەکانی دیمەشق لە ساڵی ٢٠١٨وە کۆنترۆڵیان کردووە، حەوت منداڵ کوژراون و دوو کەسی دیکەش برینداربوون کە ژنێکیان تێدایە.

 

ڕوانگەی سوری بۆ مافەکانی مرۆڤ بڵاویکردەوە، بەهۆی تەقینەوەی بۆمبێکەوە هەشت منداڵی تەمەن جیاواز لە گەڕەکی موجەبڵ لە شاری سەنمەین کوژراون و منداڵی نۆیەمیش بریندار بووە.

 

لەوکاتەی حکومەتی دیمەشق دەستی بەسەر شاری دەرعەدا گرتووە، ئەو ناوچانە ڕووبەڕووی تەقینەوە و ئۆپەراسیۆنی تەقەکردن لەدژی هێزەکانی ڕژیم و تیرۆرکردنی دڵسۆزان، نەیارانی پێشوو، یان تەنانەت خەڵکی مەدەنی کە بۆ دامودەزگاکانی حکومەت کاردەکەن بوونەتەوە، لە کاتێکدایە کە چەک لە هەموو شوێنێکدا بڵاوبووەتەوە. داعش بانگەشەی هێرشەکانی لە ناوچەکە دەکات.