ناوەندی هەواڵ

 

بەگوێرەی نوسراوێکی وەزارەتی تەندروستی حکومەتی هەرێمی کوردستانی کە ئاڕاستەی تەواوی بەڕێوەبەرایەتییە گشتیەکانی هەرێم کراوە، تیایدا هاتووە،  سەربڕینی ئاژەڵ لە ماڵان بە هەموو شێوەیەک قەدەغەیە و سەربڕین تەنها لە شوێنی ڕێپێدراو دەبێت، دەبێت قەسابەکان پابەندبن بە لەبەرکردنی خۆپاراستن بەتایبەتی دەستکێشی لاستیک و جلی تایبەتی خۆپارێزی لەکاتی مامەڵەکردن لەگەڵ ئاژەڵ یان گۆشت و خوێنەکەی بەشێوەی تەواو، لە کاتی سەرپێچی بە توندی سزا دەدرێن.  

 

ئاماژەی بەوەشکردووە، دوای سەربڕینی ئاژەڵ دەبێت شوێنەکە پابکرێتەوە، بە بەکارهێنانی گیراوەی کلۆر و بەکارهێنانی فاست، هەروەها بەهەمان شێوە دەبێت کەلوپەلی بەکارهاتو پاکبکرێتەوە.

 

هەروەها داوا لە هاوڵاتیان کراوە گۆشتی سوور لە شوێنی ڕێگەپێدراو بکڕن و دەستکێش لەدەست بکەن و ئاگاداربن دەستیان هیچ بریندارنەبێت و تەختەی لەت لەتکردنی گۆشت جیاوازبێت، پاشان شوێنی لەتکردنەکە بە باشی پاکبکرێتەوە.