ناوەندی هەواڵ

 

کۆبوونەوەی ئەنجومەنی ژنانی هەدەپە لە بارەگای گشتی هەدەپە لە ئەنقەرە بۆ پلانی وەرزی نوێ کۆتایی هات، لە کۆبوونەوەکەدا باس لە کاریگەریی قەیرانی ئابوری لەسەر هەموو کۆمەڵگە و بەتایبەتی ژنان و زوڵم و پێشێلکارییەکانی مافەکان لە زیندان و دۆخی زیندانیانی نەخۆش و هێرشەکانی سەر خەباتی ژنان کرا.

 

لە کۆبوونەوەکەدا، تیشک خرایەسەر گرنگی تێکۆشانی ژنان و هاودەنگیی، جەختیش لەوە کرایەوە کە بۆ فراوانبوون و بەرەوپێشچوونی ئەنجومەنەکە دەبێت تێکۆشان گەڕەک بە گەڕەک و ماڵ بە ماڵ بەڕێوەببرێت، هەروەها پێویستە ژنان ڕۆڵی سەرەکی لە پڕۆسەی هەڵبژاردندا بگێڕن و هاوهەڵوێست بن.

 

ئەنجومەنی ژنانی هەدەپە بەیاننامەی کۆتایی لەسەر گفتوگۆکانی کۆبوونەوەکە و ئەنجامەکانی، لە ڕۆژانی داهاتوودا ڕادەگەیەنێت.