ناوەندی هەواڵ

 

بەپێی هەواڵەکان ١٢ زیندانیکراو لە شاری زاهیدان لە وڵاتی ئێران بە کۆمەڵ لەسێدارەدراون، ٦ لە زیندانییەکان بە تۆمەتی مادەی هۆشبەر سزای لەسێدارەدانیان بەسەردا سەپێنراوە و ٦ی دیکەشیان بە تۆمەتەکەیان کوشتن بووە، یەکێک لەوانە ژن بووە و بە ناسنامەکەی بە گەرگیج ناسێنراوە، بە تۆمەتی کوشتن لە سێدارەدراوە.

 

بەپێی زانیارییەکان ڕۆژی شەممە، ٤ی حوزەیران سەرجەمی زیندانییەکان گوازراونەتەوە بۆ زیندانی تاکەکەسی لە زیندانی زاهیدان و ڕۆژی دووشەممە بە کۆمەڵ لە سێدارەدران.

 

هۆکاری دەرکردنی سزای لە سێدارەدان لە ئێران بە ئامانجی کەمکردنەوەی تاوانەکانە، بەڵام ئاماری لەسیدارەدان و زیندانییەکان دەریدەخەن کە ڕۆژ بە ڕۆژ تاوانەکان لەو وڵاتەدا لە هەڵکشاندایە و کەم ناکات.