ناوەندی هەواڵ

 

ڕێکخراوی کۆنگرەی ستار لە شاری قامیشلۆی ڕۆژئاوای کوردستان، لە دژی گۆشەگیری سەر ڕێبەری گەلی کورد عەبدوڵا ئۆجالان، ڕێپێوانێکی جەماوەریی ئەنجامدا و تا چوارڕیانی ئەلفەلاحین بەردەوام بوو.

 

سەدان ژن و ئەندامانی ڕێکخراوەکە بەشداری ڕێپێوانەکە بوون

 

لە ڕێپێوانەکەدا وێنەی ڕێبەری گەلی کورد عەبدوڵا ئۆجالان و درووشمی "بێ سەرۆک ژیان نابێ" و "بژی بەرخۆدانی ئیمراڵی" و "بژی بەرخۆدانی زیندان"  بەرز کرایەوە.

 

شیراز حەمۆ، ئەندامی کۆردیناسیۆنی کۆنگرەی ستار بەیاننامەیەکی خوێندەوە و ڕایگەیاند، ژنان سڵاو لە بەرخۆدانی ڕێبەری گەلی کورد عەبدوڵا ئۆجالان دەکەن و وتی: "شەڕەکەی ئیمراڵی، شەڕی شکۆ و هەبوونی ئێمەیە، بۆیە دەبێت دژی گۆشەگیری تێکۆشان مەزنتر بکەین".

 

شیراز تیشکی خستە سەر تێکۆشانی ژنان دژی گۆشەگیری و ڕایگەیاند، پیلانگێڕیی دژی ڕێبەری گەلی کورد عەبدوڵا ئۆجالان بە پێشەنگایەتی ژنان پووچەڵ دەکرێتەوە، هەروەها دووپاتی کردەوە فیکر و فەلسەفەی ڕێبەری گەلی کورد عەبدوڵا ئۆجالان کلیلی چارەسەری قەیرانەکانی ڕۆژهەڵاتی ناوینە.

 

چالاکییەکە بە درووشمی "بێ سەرۆک ژیان نابێ" و "بژی بەرخۆدانی ئیمراڵی" و "ژن، ژیان، ئازادیی" کۆتایی هات.