ناوەندی هەواڵ

 

کۆمیساریای باڵای پەنابەرانی نەتەوە یەکگرتووەکان دووپاتیکردەوە کە تا ئێستاش هەزاران سودانی سنووری وڵاتەکە بەجێدەهێڵن، سەرەڕای ئەوەی زیاتر لە ساڵێک بەسەر شەڕی نێوان سوپای سودان و هێزەکانی پشتیوانی خێرا تێپەڕیوە.

 

لە ماوەی چەند مانگی ڕابردوودا ڕێکخراوی UNHCR چەندین هۆشداری سەبارەت بەو بارودۆخەی کە ئاوارەکانی وڵات دۆخی ناوچەکە دەدات، چونکە بەدەست کەمی پێداویستی خۆراک و یارمەتی پزیشکی و تەنانەت ئاوی پاکی خواردنەوەشەوە دەناڵێنن.

 

هەروەها نەتەوە یەکگرتووەکان هۆشداریدا لەوەی کە ئەو قەیرانە خۆراکییەی کە سودان پێیدا تێدەپەڕێت، ڕەنگە گەورەترین قەیران بێت و بگاتە دۆخێکی کارەساتبار.

 

لە ناوەڕاستی مانگی نیسانی ٢٠٢٣ شەڕ لە سودان لە نێوان سوپا بە سەرۆکایەتی عەبدولفەتاح بورهان و هێزەکانی پشتیوانی خێرا بە سەرۆکایەتی محەمەد حەمدان دەگەڵۆ سەریهەڵداوە کە بووەتە هۆی گیان لەدەستدانی هەزاران سودانی و ئاوارەبوونی نزیکەی هەشت ملیۆن کەسی تر.