کۆمەڵەی مافی مرۆڤ: ئەم هێرشە هەڕەشەیەکی نوێیە بۆ سەر هەرێمەکە
کۆمەڵەی مافەکانی مرۆڤی هەرێمی جزیرە لە بەیاننامەیەکی نوسراودا هێرشەکانی ئەم دواییەی دەوڵەتی تورکیای شەرمەزار کرد و ڕایگەیاند، هێرشەکە هەوڵێکی نوێی دەوڵەتی تورکیایە بۆ ئەوەی قەیرانی ناوخۆی تورکیا بخاتە ناو سووریاوە.
قامیشلۆ
کۆمەڵەی مافی مرۆڤی هەرێمی جزیرە سەبارەت بە دوایین هێرشەکانی سەر باکوور و ڕۆژهەڵاتی سووریا، بەیاننامەیەکی نوسراوی بڵاوکردەوە.
بەیاننامەکە بەم شێوەیە بوو:
دەوڵەتی تورک لە باکوور و ڕۆژهەڵاتی سووریا بە فڕۆکەی بێفڕۆکەوان لەسەر هەرێمی جزیرەی خۆبەڕێوەبەری ژێرخانی مەدەنی ناوچەکە دەکاتە ئامانج، ئەمە هەڕەشەیەکی نوێیە بۆ پێشێلکردنی سەقامگیری و ئاسایشی ناوچەکە، هەوڵێکی نوێیە بۆ ئەوەی قەیرانی ناوخۆی تورکیا بێتە ناو سووریاوە، بارودۆخی ئاسایشی سووریا زۆر خراپە، بەهۆی هەڕەشە بەردەوامەکانی دەوڵەتی تورکیا لەسەر سنوورەکانی باکووری سووریا و تورکیا، لە ئەنجامدا، پێشێلکارییەکی دڕندانەی مافەکانی مرۆڤ و مافەکانی مرۆڤی نێودەوڵەتی هەیە، تورکیا چەندین تاوانی جەنگی و تاوانی دژی مرۆڤایەتی ئەنجام داوە.
کۆمەڵەکە هێرشەکانی ئەم دواییەی شەرمەزار کرد و وتی: وەک کۆمەڵەی مافەکانی مرۆڤی هەرێمی جزیر ئیدانەی ئەم هێرشانە دەکەین دژی ناوچەکەمان، ئەم هێرشە لە ماوەی چەند ساڵی ڕابردوودا ژێرخانی ناوچەکەی خستووەتە مەترسییەوە، بەبێ هەڵوێستێکی جددی لەلایەن هێزە ناوخۆیی و هەرێمی و نێودەوڵەتییەکانەوە کە بەرپرسیارن لە ڕاگرتنی ئەو هێرشانە.