ناوەندی هەواڵ

 

ڕۆژی شەممە، ١١ی ئادار لە سنووری شارۆچکەی دیدیمی سەر بە پارێزگای ئایدن بەلەمێک کە بەپێی زانیارییەکان ٣١ کۆچبەری هەڵگرتبوو، ژێرئاوکەوتووە.

 

تیمەکانی ڕزگارکردن گەیشتبوونە شوێنی ڕووداوەکە و ١٠ کۆچبەریان ڕزگارکردووە، کە یەکیکیان منداڵە،  هەروەها دەستیان بە گەڕان بەدوای ٢١ کۆچبەرەکەی دیکەدا کردووە و سێ تەرمیان دەرهێناوە، کە یەکێکیان ژنێکی دووگیانە.

 

ئەوە لە کاتێکدایە کە سەرەڕای مەترسییەکانی کۆچکردن بە ڕێگەی نایاسایی، هاوڵاتیان بەهۆی بارودۆخی سیاسی و ئەمنی و ئەو قەیرانانەی لە وڵاتەکانیاندا هەیە، ناچار بە کۆچکردن دەکرێن و ڕێگەی مەرگ تاقی دەکەنەوە.