هونەرمەند هیرۆ شێخ‌ئیسلامی لە شاری سنە دەستگیرکرا
ڕۆژی ٥ی کانونی یەکەم، هیرۆ شێخ‌ئیسلامی هونەرمەندی خەڵکی شاری سنە لە ڕۆژهەڵاتی کوردستان لە ماڵەکەی خۆیدا دەستگیرکرا و بەرەو شوێنێکی نادیار بردرا.
ناوەندی هەواڵ
بەپێی ڕاپۆرتی دانیشتوانی مافی مرۆڤی کوردستان "KMMK"، سەرلەبەیانی دوێنێ، ٥ی کانوونی یەکەم، هیرۆ شێخ‌ئیسلامی، نیگارکێشی شاری سنە، لە دوای هێرشێکی هێزە ئەمنییەکان بۆ سەر ماڵەکەی دەستگیرکراوە و گواستراوەتەوە بۆ شوێنێکی نادیار.
بەپێی هەمان راپۆرت، هیچ زانیارییەک لەبارەی ئەو بارودۆخ و تۆمەتانەی بەرامبەر هیرۆ دروستکراوە، لەبەردەستدا نییە.
لەگەڵ دەستپێکردنی ڕاپەڕینە جەماوەرییەکەی گەلی کورد و گەلانی ئێران لە دوای کوژرانی ژینا ئەمینی، ئەو ژنە هونەرمەندە چەندین کاری بۆ پشتگیری ڕاپەڕین بە پێشەنگایەتی ژنان دروستکردووە و لە تۆڕە کۆمەڵایەتییەکانی خۆیدا بڵاوی کردونەتەوە.