ناوەندی هەوال

 

هێرشەکانی ئیسرائیل بۆ سەر لوبنان لە ٨ی تشرینی یەکەمی ٢٠٢٣ەوە بەردەوامە، لە هێرشە سەختەکان لە دوای ٢٣ی ئەیلوولەوە، سێ هەزار و ٥١٦ کەس گیانیان لەدەستدا، سەدان هەزار کەس ناچاربوون ماڵەکانیان بەجێبهێڵن.

 

دۆمینیک هاید، بەڕێوەبەری کاروباری دەرەوەی کۆمیسیاری باڵای پەنابەرانی نەتەوە یەکگرتووەکان "UNHCR" لە ڕاگەیاندنە نێودەوڵەتییەکاندا لێدوانێکی لەسەر ئەو پرسە دا و ڕایگەیاند، لە ماوەی ٧ هەفتەی ڕابردوودا زیاتر لە ٥٤٠ هەزار کەس بەهۆی هێرشە ئاسمانییەکانی ئیسرائیلەوە لە لوبنان ئاوارەبوون و گەیشتنە سووریا.

 

شەپۆلی کۆچکردن بەرەو بەیرووتی پایتەخت و باکوور بەردەوامە، بەپێی ئامارەکانی نەتەوە یەکگرتووەکان بەهۆی هێرشەکانی ئیسرائیل بۆ سەر لوبنان زیاتر لە یەک ملیۆن و ٤٠٠ کەس ئاوارەبوون، حکومەتی لوبنان ڕایگەیاند، ژمارەی ئەو کەسانەی لە شوێنەکانیان ئاوارەبوون زیاتر لە ٦٠٠ هەزار کەسەو کۆچیان کردووە بۆ سووریا.