ناوەندی هەواڵ

 

بەرەبەیانی ئەمڕۆ، پۆلیسی ڕژێمی ئاکەپە-مەهەپە هەڵیکوتایە سەر گەورە شارەوانی مێردین و شارەوانییەکانی ئیلح و خەلفەتی، پاشان وەزارەتی ناوخۆی دەوڵەتی تورک قەیومی لەو شارەوانییانە دانا، سەبارەت بەو بابەتە دەستەی بەڕێوەبردنی ناوەندی پارتی یەکسانی و دیموکراسی گەل- دەم پارتی ڕاگەیاندراوێکی بڵاوکردەوە.

لە سەرەتای ڕاگەیەندراوەکەدا ئاماژەیان بەوەکرد، حکومەتی ئاکەپە-مەهەپە لە دوای جولەمێرگ و ئەسنەنیوت بەردەوامە لە فشارەکانی لەسەر شارەوانییەکان.

 

باس لەوەشکراوە، جێگای سەرنجە کە لە ساڵیادی کودەتای ئەنجوومەندا لە ٤ـی تشرینی دووەمی ٢٠١٦ کە دژی ئیرادەی گەلی کورد ئەنجام درا، ئەوەی کە ئەمڕۆ کراوە تەنها دووبارەبوونەوەی ٣٠ ساڵی ڕابردووە، ئێمە جارێکی تر دەڵێین ئەم هێرشە گورزێکی ڕوونە لە دژی ئیرادەی گەل، گەلەکەمان پارتی ئێمەی وەک ویستی خۆی هەڵبژارد، پێداگری لەسەر کودەتایەک کە لە هەموو هەڵبژاردنێکدا شکست دەهێنێت، نیشانەی شکستی سیاسییە.

 

ڕاشیانگەیاندووە، حکومەتی ئاکەپە – مەهەپە هەوڵی دەستبەسەرداگرتنی ئەو شارەوانیانە دەدات کە نەیتوانی لە ڕێگەی هەڵبژاردنەوە بەدەستی بهێنێت دەیەوێت لە ڕێگەی هێزەوە بە دەستی بهینێت، ئەم هێرشە هێرشێکە دژی مافی دەنگدانی گەلی کورد، گەمارۆدانی شارەوانییەکان، کردنیان بە بنکەی پۆلیس، دەرخەری ئەوەیە کە ڕژێمی سیاسی ئێستا شەرعیەتی دیموکراسی خۆی لەدەستداوە.

 

دەشڵێن: هیچ دەسەڵاتێک ناتوانێت لەم خاکانەدا بە چەوساندنەوە و زوڵم سەرکەوتوو بێت و ناشبێت، گەلانی تورکیا لە بەرامبەر ئەم ستەمدا سەر نەوی ناکەن، ئەمە کێشەی دیموکراسی و ئازادییە بۆ ٨٥ ملیۆن هاوڵاتی، ئەگەر ڕێگری لێ نەکرێت، تەنیا لە سەپاندنی شارەوانییەکانی شارە کوردییەکان سنووردار نابێت، قەیوم لە هەر لایەنێک بێت، هەڕەشەیەکی ئاشکرایە لە دژی مافی هەڵبژاردن و هەڵبژاردن، دژی ئیرادەی سیاسی، بەم ڕێگایە داوا لە ڕای گشتی دیموکراسی دەکەین؛ پێویستە هەمووان دەنگی خۆیان بەرز بکەنەوە و ناڕەزایی خۆیان بەرامبەر بەم ئەم کارە پیشانبدەن.

 

دەم پارتی لە کۆتایشدا ڕایگەیاند، ئەم شێواز و هێرشانە گومانێکی گەورەیان لەسەر دڵسۆزی حکومەت دروست کردووە، چاوەڕێی ئەوە بووین دەست درێژ بکەن بۆ ئاشتی و چارەسەر، بەڵام دەستیان بۆ ئیرادەی گەل درێژ کرد، ئێمە بە هیچ شێوەیەک کۆڵ نادەین و لە خەباتی خۆمان پاشەکشە ناکەین، حکومەت مایەپووچ بووە و ئەگەر چاوەڕێی سەرکەوتنی بەو شێوازانە بکات خۆی دەخەڵەتێنێت، گەلەکەمان لە هەموو بارودۆخێکدا ئیرادەی خۆی دەبێت.