شەنگال

 

بە بۆنەی ١٠یەمین ساڵەی فەرمانی ٣ی ئابی ٢٠١٤، چەندین چالاکی و هەڵمەتی جیاواز بۆ بەبیرهێنانەوەی ئەو ڕۆژە و بەرز ڕاگرتنی قوربانییانی فەرمانەکە بەڕێوە دەچن، لەو چوارچێوەیەشدا، شاندێک کە پێهاتوون لە گەنجان و چالاکوانانی سویسرا و ئەڵمانیا و ئیتاڵیا، ویستیان بەدواداچوون بۆ چالاکییەکان بکەن و چوونە شەنگال.

 

کاتێک شاندەکە گەیشتە بازگەی سەوز لە تەلەعفەر ڕێگرییان لێکرا و بە گرتەیەکی ڤیدیۆیی شاندەکە ناڕەزایەتییان دەربڕی کە دەیانەوێت پڕۆژە مرۆییەکانیان لە شنگال جێبەجێ بکەن، بەڵام ڕێگرییان لێدەکرێت.

 

ئەندامانی شاندەکە داوایان کرد، چیدیکە ئاستەنگی لەبەردەم چالاکییە مرۆڤایەتییەکاندا دانەنرێت.