ناوەندی هەواڵ

 

خەڵاتی ڕۆمانی دویگو ئاسێنا کە لە ساڵی ٢٠٠٧ەوە لەلایەن دۆگان کیتاپەوە بۆ یادەوەری و بیرکردنەوەی دویگو ئاسێنا بەخشراوە، بۆ ئەمساڵ خەڵاتەکە بەخشرایە ڕومانی "ئیرادە"ی نەسلیهان ئۆندەرئۆغڵو.

 

"باسی بەرخۆدانی ئەو کەسانە دەکات لە کۆمەڵگەدا جێگەی خۆیان نەدۆزیوەتەوە"

دەستەی بەخشینی خەڵاتەکە باسیان لەوەکرد، بەهۆی ئەوەی ڕۆمانەکەی نەسلیهان ئۆندەرئۆغڵو چیرۆکی بەرخۆدانی منداڵانی بێ باوک و ئەوانەی کە جێگەی خۆیان لە کۆمەڵگادا نابینن، دەگێڕێتەوە، بە شایستەی خەڵاتەکە بینرا.

 

براوەی خەڵاتەکە، نەسلیهان ئۆندەرئۆغڵو، هەستی خۆی بەم شێوەیە دەربڕی: شانازی دەکەم کە ڕۆمانی ئیرادەم بە شایستەی ئەم خەڵاتە بینرا، کە بە ناوێکی بەناوبانگی دویگو ئاسێنا بەخشراوە، هەروەها وەک هاوڕێکانم کە پێش من خەڵاتەکەیان وەرگرتووە، ئەم بەرپرسیارێتییە هەڵدەگرم و سوپاسی ئەندامانی بەڕێزی دەستەکە دەکەم.