کەمبوونەوەی ئاوی دیجلە شوێنەوارێکی میتانییەکان لە عیراق دەردەخات
لە عێراق بەهۆی وشکەساڵی و کەمبوونەوەی ئاوی ڕووباری دیجلەوە شوێنەواری ژیانی میتانی یان شارێکی کۆنی ٣ هەزار و ٤٠٠ ساڵی دەرکەوت.
ناوەندی هەواڵ
بەهۆی کەمبوونەوەی ئاوی دیجلەوە شوێنەوارێکی مێژووی دەرکەوتووە کە شوێنەوارناسان پێیان وایە کە شاری زاخیکۆی سەر بە ئیمپراتۆریەتی میتانیە لە ١٥٥٠-١٣٥٠ ساڵ پێش زاین، لە پاشماوە دەرکەوتووەکەدا دیوار و هەڵکۆڵین دەرکەوتووە و کە پێدەچیت ماوەی ٤٠ ساڵە و لەگەڵ دروستکردنی بەنداوی موسڵدا کەوتبێتنە ژێر ئاوەوە.
شوێنەوارناسانی زانکۆی فرایبورگ و توبینگن لە ئەڵمانیا و فەرمانگەی شوێنەواری کوردستان لەکاتی دروستکردنی ڕێگەدا و هاوکات لەگەڵ وشکەساڵی ساڵی ٢٠١٨ و کەمبوونەوەی ئاو، کۆشکێکی کۆنیان دۆزییەوە، شوێنەوارناسان سەرکەوتووانە نەخشەیەکی بەشێکی زۆری شارەکە و دیوار و قەڵا و بینایەکی گەورەی عەمبارگەیان دەرخست.
هەروەها چەندین کەرەستەی تێدا دۆزرایەوە کە باشتر چۆنیەتی ژیانی کۆنی ڕۆخەکانی دیجلە نیشاندەدەن، لەوانە ٥ قامی سیرامیکی دۆزرایەوە کە ١٠٠ تابلۆی تێدا نەخشێنراوە و چەندین نووسینی بزماری لەسەرە، کە لە لێکۆڵینەوەی زیاتردا شوێنەوارناسان پێیان وایە زانیاری زیاتر دەربارەی ئیمپراتۆریەتی میتانی دەردەخات.