شەهبا

 

لە یادی ١٠ ساڵەی کۆمەڵکوژی شەنگال کە لە ٣ی ئابی ٢٠١٤ ڕوویدا، دوێنێ گەنجانی ئێزدی عەفرین-شەهبا بۆنەیەکی یادکردنەوەیان ئەنجامدا، چالاکییەکە لە گۆڕستانی پاکڕەوانی بەرخۆدانی سەردەم لە شەهبا بەڕێوەچوو.

 

سەرەتای چالاکییەکە بە خولەکێک ڕێزگرتن دەستیپێکرد، دواتر بەیاننامە لەلایەن یاسمین جندۆ، ئەندامی یەکێتی ئێزیدییەکانی عەفرین-شەهبا خوێندرایەوە.

 

یاسمین جندۆ وتی: وەک گەنجانی ئێزدی، لە دەیەمین ساڵیادی جینۆسایدی گەلی شەنگال لە ٣ی ئابدا، شەرمەزاری دەکەین و ئەو ئازارەمان لەبیرە، لەگەڵ گەلی شەنگالمان و هەموو ئەو شەهیدانەدا وەستاوین کە لە فەرمانەکەدا گیانیان لەدەستدا، بیرو فەلسەفەی ڕێبەر ئاپۆ ئەمڕۆ لە ڕۆحی گەنجانی ئایندەدا چێندراوە و هەزاران کەسیش لە ئێستاوە تێکەڵ بە هەوای شەنگال بوون و چەکەکانیان داوە بۆ شەڕکردن لەگەڵ دوژمن و ڕزگارکردنی خاکی پیرۆز لە دەستی داعش، ژنان و پیاوانی ئێزیدی لە شەنگال هێزی سەربازی خۆیان پێکهێنا و تۆڵەی ژنانی ئێزدییان لە ڕەققە کردەوە، لە کەسایەتی هەموو شەهیدانی دۆزی ئازادیدا کە لەم شۆڕشەدا گیانیان لە دەست دا، داوا لە هەموو گەنجەکانمان دەکەین کە هێڵی شەهیدەکانیان پەیڕەو بکەن و ئامانجەکەیان بەدی بهێنن.

 

پاشان بە داگیرساندنی مۆم لەسەر گۆڕی پاکڕەوان کۆتایی بە چالاکییەکە هێنا.