هالە ئەلحاشدی

 

یەمەن- ژنانی کۆچبەر کە لە کامپی نەجد قەسیم دەژین ڕووبەڕووی هەراسانکردنی زایەندی و هەژاری و چەندین پێشێلکاری دەبنەوە، ژنانی ڕەشپێست کە لە یەمەن ئاوارە بوون زۆرترین زیانیان بەرکەوتووە بەهۆی ئەو شەڕەی کە نزیکەی ٩ ساڵە بەردەوامە، لەو کامپەدا بارودۆخی منداڵانیش قورستر دەبێت.

 

ژنان سندوقی قەفەزکراو کۆدەکەنەوە بۆ ئەوەی بژین و منداڵەکانیان بەخێو بکەن، و پشتیوانی لە ڕێکخراوەکان و تاکەکان وەرناگرن، لەو کامپانەی کە تێیدا دەژین، چادرو جلوبەرگی زستانیان پێنادرێت، ئەو کەسانەی کە ئاوارە بوون، بەتایبەت ژنان پێویستیان بە پشتیوانییە، بۆ باشترکردنی بارودۆخی ژیان لە کامپەکاندا، پێویستە مافەکانی ژنان و منداڵان مسۆگەر بکرێت.

 

لەگەڵ سەختی ژیاندا تێدەکۆشن

مریەم خالید گلەیی لە بارودۆخی زستان و هاوین دەکات کە منداڵەکانیان تێیدا دەژین و یاماژەی بەوەکرد، پشتگیری ناکرێن.

 

کەوسەر ئەحمەد، کە تەنەکە لە شەقامەکان کۆدەکاتەوە و دەیفرۆشێت بۆ بژێوی ژیان، وتی: هیچ سوودێک لە کارەکەی وەرناگرێت، پشتیوانی لە ڕێکخراوەکان و تاکەکان وەرناگرن و تەنانەت بەتانییەک بۆ خۆیی و منداڵەکانی نییە.

 

بەشاری تەمەن ١٠ ساڵ کە لە هەمان کامپدا دەژی، سەیری داپیرەی دەکات، کە تاکە کەسە کە لە خێزانەکەی ڕزگاری بووەو تەنەکە کۆدەکاتەوە بۆ دابینکردنی بژێوی ژیان.