ڕەحا

 

ئێشکگری دادپەروەری ئامینە شەنیاشار، کە هاوژینەکەی و دوو کوڕەکەی لە ١٤ی حوزەیرانی ٢٠١٨دا لەلایەن پاسەوانان و کەسوکاری ئیبراهیم خەلیل یەڵدزی پەرلەمانتاری ئاکەپەوە لە ناوچەی پرسوسی ڕەحا کۆمەڵکوژکران،  لەگەڵ فەرید شەنیاشاری کوڕی، کە بە برینداری ڕزگاری بوو لە ڕۆژی ٧٨٥ەمیندا بەردەوامە.

 

یەکەم دانیشتنی کەیسەکە لە ساڵی ٢٠٢٢ لەلایەن نووسینگەی داواکاری گشتی ڕەحاوە دژی ئامینە شەنیاشار بە تۆمەتی "سووکایەتیکردن" بە ئیبراهیم خەلیل یڵدز دەستیپێکرد، ئەمڕۆ لە پێنجەمین دادگای تاوانی ڕەحا دانیشتنی دادگا بەڕێوەچوو، ئامینە شەنیاشار و فەریت شەنیاشاری کوڕی و ئەحمەد تاش، هیدایەت ئەنمەک، مەرال هەلات، ئایشە شەهیربان دەمرەل، عەلی ئارسلان، سەرهات کورت و ئیبراهیم هالیل ئۆیکە، پارێزەرانی بنەماڵەکە ئامادەی دانیشتنەکە بوون.

 

"پێویستە لە لایەن پسپۆڕان و وەرگێڕەکانەوە بسەلمێندرێت"

پارێزەر ئەحمەد تاش کە بە سەلماندنی ناسنامە دەستیپێکرد ، بەرگری کردو وتی: کەیسێک لە دژی زیندانییەکی دەستی دادگای گشتی تۆمارکراوە، دایکەکە تورکی نازانێت، بۆیە ئێمە پرسیار دەکەین چۆن ئەم سوکایەتییە وەرگێڕدراوەتە سەر زمانی تورکی؟ بەپێی بڕیارەکەی دادگای باڵا، پێویستە ئەو سوکایەتییە لەلایەن شارەزا و وەرگێڕەوە بسەلمێندرێت، پێویستە بە بەڵگەی ڕوون و ئاشکرا بسەلمێندرێت کە ئەو سوکایەتییە ئەنجام دراوە.

 

دانیشتنەکە دواخرا بۆ ٨ی حوزەیران

پارێزەر ئەحمەد تاش داوای کرد کە بڕیاری سزادانی بریکارەکەی لاببرێت و کەیسەکە دابخرێت.

 

دوای ئەوەی پارێزەرەکە بەرگری لە بریکارەکەی کرد، ئەنجومەنی دادوەری داواکارییەکەی پەسەند کرد و دانیشتنەکەی بۆ ٨ی حوزەیران دواخست.