ناوەندی هەواڵ

 

دوێنێ، ٢٠ی تشرینی یەکەم، ڕێکخراوی چاودێری مافی مرۆڤ لە ڕاپۆرتێکدا ڕایگەیاند کە تاڵیبان وەڵامی ناڕەزایەتی ئاشتیانەی ژنانی بە لێدان و بەکارهێنانی فیشەکی جەنگی بۆ تێکدان و بڵاوەپێکردنی ناڕەزایی ژنانی داوەتەوە.

 

هیومان ڕایتس وۆچ، بە بڵاوکردنەوەی ڕاپۆرتێک، سەرکوتکردنی ناڕەزایەتییە ئاشتیخوازەکانی ژنانی ئەفغانی لەلایەن تاڵیبانەوە بە جۆرێک لە "بەربەری" ناوبرد و ئاماژە بە بوونی ژنان لە هێڵی پێشەوەی بەرخۆدان لە دژی زوڵم و زۆرداری تاڵیبان دەکات، ئاماژەی بەوەدا ژنان بە ئاشتییانە داواکارییەکانی یەکسانی و دادپەروەری و ئاشتی و بە دروشمی "نان، کار، ئازادی" دەکەن و خەباتیان بۆ مافە سەرەتاییەکانیان کردووە، لەوانە مافی کارکردن و کردنەوەی قوتابخانەکانی کچان، هەروەها بۆ ئەفغانستانێکی باشتر و سەرەڕای لێدان و دەستگیرکردن و ڕفاندنی دڕندانەی خۆپیشاندەران لەلایەن تاڵیبانەوە، ناڕەزایەتییەکانیان بۆ بەرگریکردن لە مافە سەرەتاییەکانیان بەردەوامە.

 

لە درێژەی ئەم ڕاپۆرتەدا ئاماژە بەوە کراوە کە نەبوونی شەرعیەتی تاڵیبان ڕێزنەگرتنە لە مافە سەرەتاییەکان و بەشداری کۆمەڵایەتی و سیاسی ژنان لە کۆمەڵگەدا.

 

دوای ئەوەی تاڵیبان کۆنترۆڵی ئەفغانستانی کرد و ژنانی لە کار و پەروەردە بێبەش کرد، ژنان چەندین خۆپیشاندانی ئاشتیانەیان ئەنجامداوە؛ بەڵام هەموو جارێک بە توندوتیژی و هێرشە ئاسمانییەکانی تاڵیبان سەرکوت کراون. ژنانی کابول، هەرات، بەلخ، غەزنی، بامیان و هەندێک لە شارەکانی دیکە لە گردبوونەوەکاندا ناڕەزایەتییان بەرامبەر بە هێرشە کوشندەکە بۆ سەر ناوەندی پەروەردەی کاج کرد و لەلایەن تاڵیبانەوە بە توندی سەرکوت کرا.