نەخۆش و کارمەندانی تەندروستی ئامەد بەهۆی خواردنەوە ژەهراوی بوون
لە فاکەڵتی پزیشکی زانکۆی دیجلەی ئامەد، زۆرێک لە نەخۆش و پەرستار و کارمەندانی تەندروستی بەهۆی نانی نیوەڕۆی ڕۆژی ١٧ی تەمووز، تووشی ژەهراویبوونی خۆراک بوون.
![](https://jinhaagency.com/uploads/so/articles/2024/07/20240718-20240718-20240718-690x390cc-amd-18-07-2024-mide-rahatsizligi-jpeg2775f5-image-jpg096557-image-jpg58f43b-image.jpg)
ناوەندی هەواڵ
نیوەڕۆی دوێنێ ١٧ی تەمووز، لە فاکەڵتی پزیشکی زانکۆی دیجلەی ئامەد، بەهۆی خواردنی ژەمەکان زۆرێک لە نەخۆش و خزمەتکار و کارمەندانی تەندروستی ژەهراوی بوون.
خواردنی دوو هەزار کەس لە لایەن ئەڤشارلار یەمەکچیلیکەوە ئامادە کراوە، خواردنەکە ژەهراوی بووە و بەهۆیەوە کێشە بۆ گەدەیان دروست بووە.
خەڵکێکی زۆر بەهۆی تێکچوونی گەدە چوونەتە بەشی فریاکەوتن، چارەسەری کارمەندانی تەندروستی و نەخۆش و چاودێران بەردەوامە.