ناوەندی هەواڵ

 

ئەمڕۆ لە پارێزگای جیانگشی لە باشووری ڕۆژهەڵاتی چین، تۆمەتبارێک، کە ڕووخساری داپۆشراوە و تەمەنی نزیکەی ٤٥ ساڵ دەبێت، بە چەقۆ هێرش دەکاتە سەر دایەنگەیەک.

 

لە ئەنجامی هێرشەکەدا ٣ کەس گیانیان لەدەستدا و ٦ کەسی دیکە برینداربوون، بەپێی ئەو ڤیدیۆیانەی کە بڵاوکراوەتەوە، دەرکەوتووە کە لەناو کوژاو و بریندارەکاندا منداڵ هەیە و تیمەکانی پۆلیس و تەندروستی دەیانگوێزنەوە بۆ ناو ئۆتۆمبێلی فریاکەوتن.

 

بەپێی راگەیەندراوەکانی پۆلیسی ئەو وڵاتە، تۆمەتبارەکە ئێشتا دەستگیرنەکراوە.

 

وڵاتی چین یەکێکە لەو وڵاتانەی کەمترین حاڵەتەکانی هەڵکوتانە سەر دایەنگە و شوێنی گشتی تێدا روودەدات، بەپێی یاساکانیش بەکارهێنان و هەڵگرتنی چەک قەدەغەیە، بەڵام لە چەند مانگی رابردوودا چەندین حاڵەتی هاوشێوە لەو وڵاتەدا تۆمارکراوە.