ناوەندی هەواڵ

 

ئەنجومەنی کۆنگرەی ستاری ڕۆژئاوا بە بۆنەی یادی گوڵناز کاراتاش، بە نازناوی بێریتان، بەیاننامەیەکی نووسراوی بڵاوکردەوەو لە سەرەتای بەیاننامەکەدا هەموو قارەمانەکانی تەڤگەری ئازادی لە کەسایەتی بێریتان، ساکینە، دەلال ئامەد، لەیلا ئاگری، ناگیهان ئاکارسەلی بەبیرهێنایەوە.

 

لە بەیاننامەکەدا هاتووە: شەهید بێریتان بە تێکۆشان و چالاکی خۆی بووەتە هێمای ئازادی و خەباتی دژی خیانەت، لە ڕۆژی بەرخوداندا سڵاو لە گەل و هەڤاڵانمان دەکەین، هەڤاڵ بێریتان کە لە مانگی ئایاری ساڵی ١٩٩١ پەیوەندی بە خەباتی ئازادییەوە کرد، بە دروشمی 'شۆڕش پێویستی بە کەسایەتییەکی گەردەلوول هەیە' ڕێپێوانێکی کرد، توانی ڕەنگ و دەنگ بۆ گۆرانی ئازادی زیاد بکات.

 

لە سەردەمێکدا کە هێڵی خیانەت و هاوکاریی  پەدەکە دەیویست جێپەنجەی خیانەتکارانەی خۆی بەجێبهێڵێت، بوو بە یەکێک لە سیمبولەکانی بەرخۆدانی دەستی ئازادی, ئازایانە لە ٢٥ی تشرینی یەکەم لەسەر بەردە بەرزەکانی خواکورک جەستەی خۆی لە خیانەت قەڵغان کرد، هاوڕێ بێریتان لە ٢٥ی تشرینی یەکەمی ساڵی ١٩٩٢ لەگەڵ ١٤٤ هاوڕێ شەهید بوو، هەروەک ڕێبەر ئاپۆ دەڵێت، بەرخۆدانی فیدایی هەڤاڵ بێریتان خەباتی ئازادی ژنان و ڕێکخستنەکەی گەیاندۆتە قۆناغێکی نوێ، وەڵامی ڕێبەر ئاپۆ بۆ شەهیدبوونی بێریتان بۆ ڕاگەیاندنی بەسوپا بوونی ژنان بوو.

 

ئەمڕۆ کۆنگرەی ستار لەسەر هێڵی شەهید بێریتان خەباتی خۆی بۆ ئازادی پەرەپێدەدات و بەرەوپێش دەبات، داننان بە ژن لە دەسەڵاتی مرۆڤ و متمانەکردن بە ئیرادەی خۆی، قۆناغێکی گرنگ لە ژیاندا دەردەبڕێت، تەڤگەری ڕزگاریخوازی ژنان، سوپای ژنان وای لە ژنان کردووە باوەڕیان بەخۆیان هەبێت، پەیوەندییەکانیان لەگەڵ پیاوان شکاندووە و پیاوانی ناچار کردووە بگۆڕدرێن، ئێستاش بە فەرماندەیی شەهید بێریتان، هەزاران ژنە گەریلا لە شاخەکاندا ڕێپێوان دەکەن و بە ملیۆنان ژن لە شارەکاندا لەسەر خەتی ئەو بەردەوامن بە دروشمی 'ئەوانەی شەڕ دەکەن جوان دەبن، ئەوانەی جوان دەبن ئازاد دەبن، ئەوانەی ئازاد دەبن خۆشەویستن، ئێمە دەڵێین "کات کاتی بێریتان بوونە" بێریتان بوون لە شار، گوند، هەموو شوێنێکی خەبات، لە هەر شوێنێک دڵی ئاپۆچی لێدەدات، سەرکەوتوو دەبێت و سەردەکەوێت.

 

داوا لە هەموو ژنە تێکۆشەرەکان، سیاسەتمەداران، ئازادیخوازان دەکەین کە تێکۆشان بەرز بکەنەوە، بانگەواز بۆ خەڵکی باشووری کوردستانیش دەکەین، وەک چۆن فەلسەفەی ژن، ژیان، ئازادی لە ڕۆژهەڵاتی کوردستان بەرزکرایەوە، با گەلەکەمان لە باشووری کوردستانیش ئاستی خەبات و ئازادی دژی خیانەت و هاوکاری بنەماڵەی بارزانی لەگەڵ فاشیزمی دەوڵەتی تورک بەرز بکاتەوە.