سودان

 

دوێنێ لە هێرشێکی چەکداریدا بۆ سەر دارستانەکانی ئۆلالا لە ناوچەی ئەمهەرە لە ئەسیوپیا، کە لە سەرەتای مانگی ئایاری ساڵی ڕابردووەوە پەنابەران لەوێ کامپینیان کردووە، دوو پەنابەری سودانی گیانیان لەدەستداوە و ١٠ی دیکەش بریندار بوون.

 

لێژنەی هەماهەنگی پەنابەرانی سودان ڕوونیکردەوە کە هێرشەکە دوای چەند کاتژمێرێک لە سەردانی شاندێکی کۆمیسیۆنی پەنابەران و گەڕاوەی ئەسیوپیا لە چوارچێوەی هەوڵەکانی دیپۆرتکردنەوەیان بۆ کامپی 'ئیفتیت' ڕوویداوە.

 

هەماهەنگی پەنابەرانی سودان لە ناوچەی ئەمهەرە لە بەیاننامەیەکدا ڕایگەیاندووە، هەڕەشەیان پێگەیشتووە کە هێزی زۆرەملێ بەکاربهێنن بۆ ئەوەی بە زۆرەملێ لە شوێنی نیشتەجێبوونی ئێستایان دوور بکەونەوە.

 

ئەو پەنابەرانە پێشنیازی نوێنەری کۆمیساریای باڵایان ڕەتکردبووەوە بۆ دیپۆرتکردنەوەیان بۆ ناوچەی 'ئیفتیت' لە ناو هەرێمی ئەمهەرە، بەو پێیەی ناوچەیەکی ململانێی توندی تێدایە، وەک ئەوەی باسیان کردووە، و پێداگرییان لەسەر گەڕانەوە بۆ سودان یان چوونە ژوورەوەیان کردووە.

 

لە سەرەتای مانگی ئایاری ڕابردووەوە شەش هەزار پەنابەری سودانی لە دارستانەکانی ئۆلالا کامپیان کردووە و داوای دیپۆرتکردنەوەیان بۆ شوێنێکی ئارام لە دەرەوەی هەرێم دەکەن.

 

ڕۆژی هەینی ١٩ی تەمووز، دەسەڵاتدارانی ئەسیوپیا ٣٠٠ پەنابەری باشووری سودانیان لە کامپی ئولالا بۆ کامپی ئیفتیت لە نزیک شەهیدی لە ناوچەی ئەمهەرە ڕاگواستن بە گوتەی پەنابەرانی سودان، پەنابەرانی باشووری سودان ئاگاداریان کردەوە کە کەمپەکە کومکورتی هەیە، چەند کیلۆمەترێک لە ڕێگای سەرەکییەوە دوورە و سەرەتایترین خزمەتگوزاریان بەدەست ناگات.