تەرمی ١٣٩ کەس کە بە دەستی داعش کوژراون لە موسڵ دۆزرایەوە
تەرمی ١٣٩ کەس، کە پێدەچێت لەلایەن داعشەوە کوژراون لە گۆڕێکی بەکۆمەڵ لە موسڵ دۆزرایەوە.
ناوەندی هەواڵ
ئێسک و پروسکی ١٣٩ کەس لە هەڵکەندنی گۆڕە بەکۆمەڵەکەی عەلی ئینتەر لە تل عەفەر، کە دەکەوێتە ٧٠ کم لە ڕۆژئاوای موسڵ، دۆزرایەوە.
تا ئێستا نازاندرێت چەند تەرم لەناو گۆڕەکەدایە، بەڵام لێکۆڵینەوە و گەڕان بەردەوامە، بەپێی ئەو زانیارییانەی لایەنە پەیوەندیدارەکان بە میدیا عێراقییەکان داوە، پاشماوەی ١٣٩ کەس لە گۆڕەکە دەرهێنراون.
بانگەشەی ئەوە دەکرێت کە ئەو ئێسک و پروسکیانەی لە گۆڕەکە دەرهێنراون هی ئێزیدی و تورکمانی شیعە و ئەندامانی هێزە ئەمنییەکانی موسڵ بن.