ناوەندی هەواڵ

 

لە یەکەم دانیشتنی کەیسی غوربەت ئۆزبای، پارێزەری کۆمەڵەی پارێزەرانی ئازاد "OHD" ، بە شایەتی ئاشکرای ئومیت ئاکبیک بە تۆمەتی "بوون بە ئەندامی ڕێکخراوێکی نایاسایی" بەڕێوەچوو. دانیشتنەکە لە پێنجەمین دادگای باڵای تاوانی عامەد بەڕێوەچوو و غوربەت ئۆزبای  و عەبدوڵا زەیتون و مەهدی ئۆزدەمیر و موهلیس ئۆگورگوڵ پارێزەرەکانی ئامادەبوون، هەروەها ژمارەیەکی زۆر لە پارێزەرانی OHD و کۆمەڵەی پارێزەرانی ئامەدیش لە دانیشتنەکەدا بوون.

 

لە دانیشتنەکەدا کە بە ناسنامە دەستی پێکرد، غوربەت ئۆزبای بەرگری لە خۆی کرد و ئەو تۆمەتانەی لە دژی ئەنجام دەدرێت ڕەتیکردەوەو ئاماژەی بەوەکرد، کارە پیشەییەکەی بە تاوان دادەندریت.

 

پارێزەرانی غوربەت ئۆزبای ڕایانگەیاند کە لێکۆڵینەوەکە بەبێ مۆڵەتی وەزارەتی داد دەستیپێکردووە و لەبەر ئەوە لەگەڵ پرۆسەکەدا ناگونجێت، پارێزەرەکان داوای بێتاوان دەرچوونی غوربەت ئۆزبایان کرد.

 

دادگاکە، داوای کرد کە شایەتحاڵەکە ئامادەی دانیشتنەکەی داهاتوو بێت و دانیشتنەکەی بۆ ١٢ی ئەیلول دواخست.