لە بەرازیل بەهۆی لافاوەوە ٥٧ کەس گیانیان لەدەستدا
لافاو و هەرەسی زەوی لە بەرازیل بوونە هۆی گیان لەدەستدانی ٥٧ کەس و ئاوارەبوونی ٦٩ هەزار و ٢٠٠ کەس.
ناوەندی هەواڵ
بارانبارین لە پارێزگای ریۆ گراند دو سول لە بەڕازیل، بووە هۆی سەرڕێژبوونی بەنداوەکان و دروستبوونی لافاو، رووباری گوایبا کە بە ناو شارەکەدا دەڕوات، بۆ ئاستی پێوانەیی ٤.٥ مەتر بەرزبووەتەوە.
بەرگریی شارستانیی ناوچەکە ئاماژەی بەوەکردووە، زیاتر لە یەک ملیۆن کەس بەهۆی لافاوەکەوە بێ ئاو بوون و جگە ٦٩ هەزارو ٢٠٠ کەس شوێنەکانی خۆیان چۆڵکردووە.
لویز ئیناسیۆ، سەرۆکی بەڕازیل ئاماژەی بەوەکرد، حکومەتەکەی لە پەیوەندیدایە لەگەڵ دەسەڵاتدارانی هەرێمەکە و شارەکان بۆ پشتگیریکردنی هەرێمەکە بە هەر شتێک کە پێویستیانە.
پێشبینی دەکرێت بارانبارین لە ناوچەکانی باکوور و باکووری ڕۆژهەڵاتی هەرێمەکە تا ئەمڕۆ یەکشەممە بێت، بەڵام بارانبارین لە کەمبوونەوەدایە و پێشبینی دەکرێت زۆر لە خوار ئەو بەرزترین ئاستیەوە بێت کە لە سەرەتای هەفتەکەدا بینیبووی، هێشتا ئاستی ئاوی ڕووبارەکان بۆ چەند ڕۆژێک بەرز دەمێنێتەوە.