ناوەندی هەواڵ

 

عیسا کەلانتاری، بەرپرسی پێشووی ڕێکخراوی پاراستنی ژینگە، لە وتووێژێکدا لەگەڵ میدیا ناوخۆییەکانی ئێران، هۆشداری لە دەرئەنجامە نوێیەکانی وشکبوونەوەی دەریاچەی ورمێ دا و وتی: وشکبوونەوەی دەریاچەی ورمێ دەبێتە هۆی چۆڵکردنی شاری تەبرێز

 

ئەمە لە کاتێکدایە کە پێشتر زۆرێک لە ژینگەپارێزان و چالاکوانانی پەیوەندیدار هۆشدارییان دابوو سەبارەت بە زیادبوونی لێکەوتەکان و دەرئەنجامە قەرەبوو نەکراوەکانی وشکبوونەوەی دەریاچەی ورمێ، دەرئەنجامێکە کە مەترسی لەسەر ژیانی ملیۆنان کەس هەیە و بیابانبوون توندتر دەکات.

 

لە ڕاستیدا بە دروستکردنی دەیان بەنداو، خراپ بەڕێوەبردن و خراپ بەکارهێنانی سەرچاوە دەوڵەمەندەکانی ئاوی کوردستان، دەسەڵات و حکومەتی ئێران بە گشتی زەمینەی وشکبوونەوەی دەریاچەی ورمێی گەورەترین دەریاچەی ئێرانیان ڕەخساندووە و سەرەڕای لەدەستدانی زۆرێک لە جۆرەکانی ڕووەک و ئاژەڵ لەم ناوچەیەدا، هیچ ڕێوشوێنێک نەگیراوەتەبەر بۆ ڕێگریکردن لە ڕوودانی.